ایمز ٹی وی (راولپنڈی) صوبہ پنجاب کے ڈسٹرکٹ اٹک کے ایک اسکول میں ڈینگی اسپرے کے نتیجے میں 30 سے زائد طالبات بے ہوش ہو گئیں ۔اٹک کے گورنمنٹ گرلز ہائی اسکول میں تقریباً700 کے قریب طالبات زیر تعلیم ہیں۔تحصیل میونسپل ایڈمنسٹریشن کی جانب سے ڈینگی اسپرے کیا گیا ، جسکے نتیجے میں 400 سے زائد طالبات متاثر جبکہ30کے قریب بے ہوش ہوگئیں۔ متاثرہ طالبات کو تحصیل ہیڈ کوارٹر ہسپتال منتقل کر دیا گیا ۔ مذکورہ ہسپتال میں صرف چالیس بستروں کی گنجائش ہے اور طالبات کو مناسب علاج فراہم کرنے میں مشکلات کا سامنا ہے۔ طالبات کے والدین کا کہنا تھا کہ ڈینگی اسپرے اسکول کی چھٹی کے بعد کیا جانا چاہیئے تھا۔