ایمز ٹی وی (گلگت بلدستان) انسپکٹر جنرل آف پولیس گلگت بلتستان کیپٹن (ریٹائرڈ) ظفر اقبال اعوان نے کہا ہے کہ چھشی واقعے میں ملوث دہشت گردوں کی گرفتار ی اور اسلحے کی برآمدگی گلگت بلتستان پولیس کے لئے کھلا چیلینج ہے جس کے لئے تمام تر وسائل بروئے کار لائے جائیں اس سلسلے میں کسی بھی طرح کی کوتاہی ناقابل برداشت ہے۔ چھشی واقعے پر جاری غذر اور دیامر آپریشن کے جائزے کے لئے بلائی گئی میٹنگ سے خطاب کرتے ہوئے آئی جی پی نے کہا کہ دہشت گردوں نے گلگت بلتستان پولیس کے عزم کو للکارا ہے جس کا خمیازہ دہشت گردوں کو ہر حال میں بھگتنا ہوگا دہشت گردوں کی گرفتاری اور اسلحہ کی واپسی تک غذر اور دیامر میں جاری آپریشن کو نہ صرف جاری رکھا جائیگا بلکہ مذید تیزی لائی جائیگی۔