ایمز ٹی وی (اسلام آباد) وفاقی کابیینہ کے خصوصی اجلاس سے خطاب کرتے ہوئے وزیراعظم نے کہا کہ ملک میں غیرملکی سرمایہ کاروں کا تانتا بندھا ہوا تھا لیکن وہ دھرنوں کی وجہ سے نہیں آئے اس لیے ان سے سوال کرتا ہوں کہ دھرنے والوں نے پاکستان کی ترقی کا راستہ کیوں روکا ہوا ہے۔ الیکشن میں کوئی دھاندلی نہیں ہوئی اس پر گفتگو بےبنیاد ہے جبکہ دھرنے والوں نے پاکستان کا بھی نہیں سوچا ملک کی تقدیر کے فیصلے اس طرح چوکوں پر نہیں ہوں گے، انہوں نے کہا کہ دھرنوں کی وجہ سے ڈالر کی قیمتوں میں اضافہ ہوا اور بجلی کے منصوبوں پر کام شروع نہ ہونے کی وجہ بھی دھرنے ہیں، وزیراعظم نوازشریف نے کہا کہ معیشت کی بہتری سے ہی ڈیم اور بندرگاہیں بنیں گی جب معیشت بہتر ہوگی تو غربت اور بے روزگاری کا خاتمہ ہوگا کیونکہ ملک کی معیشت بہتر ہو تو ہر چیز بہتر ہوتی ہے۔ انھوں نے کہا کہ ہماری معاشی ترقی میں خلل ڈالا گیا ہے عوام ان لوگوں سے پوچھے ایسا کیوں کیاگیا ہے جبکہ ہمارے حوصلے کی داد دینی چاہئے کہ اتنی رکاوٹیں ڈالنے کے باوجود آگے بڑھے۔