ایمز ٹی وی (کراچی ) کراچی میں سندھ ٹیکنیکل بورڈ کے ڈی ای پارٹ ون اور پارٹ ٹو کے امتحان کے مطالعہ پاکستان کا پرچہ آوٹ ہو گیا ٹیکنیکل بورڈ کے عملے نے 500 روپے میں پرچہ فرخت کیا،سندھ ٹیکنیکل بورڈ کے تحت ڈھائی بجے دن ڈی ای پارٹ ون اور پارٹ ٹو کے مطالعہ پاکستان کا پرچہ ہونا تھا لیکن مقررہ وقت سے تین گھنٹے قبل ہی پرچہ آوٹ ہوگیا ،ذرائع کا کہنا ہے کہ ٹیکنیکل بورڈ کے عملے نے 500 روپے فی پر پرچہ فروخت کیا۔ سندھ ٹیکنیکل بورڈ میں گزشتہ ایک سال سے مستقل ناظم امتحانات تعینات نہیں کیا گیا ہے،ٹیکنیکل بورڈ کے پرچیز افسر قائم مقام ناظم امتحانات کے فرائض ادا کررہے ہیں ،مستقل ناظم امتحانات کی تقرری نہ ہونے کے باعث اس طرح کے مسائل پیش آرہے ہیں ۔