ایمز ٹی وی (کراچی ) جامعہ کراچی کے ایم اے پرائیوٹ کی امتحانی کاپیاں جانچنے والے اساتذہ نے اپنے گزشتہ سال معاوضے کی عدم ادائیگی پر رواں سال کے ایم اے کی امتحانی کاپیاں جانچنے سے انکار کردیا ہے جس کی وجہ سے ایم اے کے نتائج کے اجرا میں غیر معمولی تاخیر کا خدشہ پیدا ہوگیا ہے ،بتایا جاتا ہے کہ جامعہ کراچی شدید مالی بحران کا شکا ر ہے ،اساتذہ کی ضرورت نہ ہونے کے باوجود ان کی بھرتیاں جاری ہیں جبکہ وزیر اعلیٰ سندھ نے بھرتیوں پر پابندی عائد کررکھی ہے ،ایک استاد کا کہنا تھا کہ جب تک انھیں پچھلا معاوضہ نہیں ملتا وہ ایم اے کی کاپیاں نہیں جانچیں گے ۔