ایمز ٹی وی( فارن ڈیسک ) لائبیریا میں ایبولا کے نئے کیسز میں کافی حد تک کمی واقع ہونے کی تصدیق ہوئی ہے- مغربی افریقہ میں ایم ایس ایف کا عملہ ہزاروں کی تعداد میں ہے اس لیے اس خیراتی ادارے کو ابیولا کے حوالے سے سب سے زیادہ معلومات رکھنے والا ادارہ سمجھا جاتا ہے۔ ایبولا کے تقریباً 14000 مریضوں میں لگ بھگ 5000 ہلاک ہوئے ہیں۔ لائبیریا میں ایبولا کے کیسز میں کمی صحت کے کارکنوں کے لیے ایک موقع ہے کہ وہ اپنی کارروائیاں تیز کریں۔ لیکن انھوں نے گنی میں ایبولا کے کیسز میں ہونے والے اضافے کی طرف اشارہ کرتے ہوئے کہا کہ اس بیماری کے پھیلاؤ میں دوبارہ ’تیزی‘ آ سکتی ہے- کریس سٹوکس نے کہا کہ اس بیماری پر قابو پانے کے لیے ضروری ہے کہ اس سے لائبیریا، گنی اور سرائیلون میں فوری طور پر نمٹا جائے۔ مغربی افریقہ میں گذشتہ گیارہ ماہ سے پھیلنے والی وبائی بیماری میں لائبیریا سب سے زیادہ متاثر ہوا جہاں زیادہ اموات ہوئیں لیکن اب وہاں مقامی طبی حکام نے بھی کہا ہے کہ ایبولا کے مریضوں میں کمی واقع ہوئی ہے۔