ایمز ٹی وی (تعلیم)امامیہ اسٹو ڈنٹس آرگنائزیشن پاکستان کراچی ڈویژ ن کا پہلا اجلاس عمومی کا انعقاد مسجد آل عباءفیڈرل بی ایریا بلاک 13میں کیا گیا ۔جس میں مرکزی نمائندے ، آئی ایس او پاکستان علی عباس ،آئی ایس او کراچی ڈویژ ن کے صدر یاور عباس ،نو منتخب ارکان ڈویژنل کابینہ سمیت یونٹ کے صدر نے شرکت کی۔ اجلاس عمومی کے دوران سال برائے 2015-16کی نو منتخب ڈویژنل کابینہ کی ارکان عمومی سے منظوری لینے کے ساتھ مختلف تنظیمی امور پر بحث کی گئی ان کے علاوہ دو روز تک جاری رہنے والے اجلاس عمومی کراچی کے طلبہ کو درپیش مسائل پر گفتگو کی گئی جبکہ حکومت سندھ کی جانب سے مختلف جامعات کے گرانٹ روکے جانے کی شدید مزمت کی۔ اجلاس عمومی کی اختتامی نشست سے خطاب کرتے ہوئے ڈویژنل صدر یاور عباس کا کہنا تھا کہ طلبہ ہی ملک و ملت کا مستقبل ہیں ،طلبہ کے حقوق کے حصول کے لئے اپنی جدو جہد جاری رکھیں گے۔