ایمز ٹی وی(بزنس) خام تیل اور پیٹرولیم مصنوعات کی درآمد میں چھ ماہ کے دوران حکومت کو تقریبا 290 ارب روپے کی بچت ہوئی۔
ادارہ شماریات کے جاری اعد و شمار کے مطابق جولائی سے دسمبر کے دوان 4 ارب 17 کروڑ ڈالر کا خام تیل اور پیٹرولیم مصنوعات درآمد کی گئی جبکہ گذشتہ مالی سال کے اسی عرصے کے دوران 6 ارب 94 کروڑ ڈالر کی پیٹرولیم مصنوعات اور خام تیل درآمد کیا گیا تھا۔ چھ ماہ کے دوران 1 ارب 47 کروڑ ڈالر کا خام تیل ، جبکہ 2 ارب 70 کروڑ ڈالر کی پیٹرولیم مصنوعات درآمد کی گئی اس طرح حکومت کو چھ ماہ کے دوران تقریبا 290 ارب روپے کی بچت ہوئی۔
ادارہ شماریات کے مطابق حکومت کو خام تیل اور پیٹرولیم مصنوعات کی درآمدات میں 2 سو ارب 90 کروڑ روپے کی بچت ہوئی جبکہ رواں مالی سال کے چھ ماہ میں 4 ارب 17 کروڑ ڈالر کا تیل درآمد کیا گیا۔