ایزم ٹی وی (کراچی)  ڈپٹی اسپیکر سندھ اسمبلی سیدہ شہلا رضا کو کالعدم تنظیموں کی جانب سے دھمکی آمیز خط موصول، خط میں مبینہ طور پر کالعدم تنظیم نے انہیں قتل کرنے کے لئے ان کی گاڑی کو بم سے اڑانے کی دھمکی دی ہے۔  شہلا رضا نے دھمکی آمیز خط اسپیکر سندھ اسمبلی آغا سراج درانی کے چیمبر میں جمع کرادیا ہے ساتھ ہی انہوں نے جان کے خطرے کے پیش نظر تحریری طور پر بم پروف گاڑی فراہم کرنے کی بھی درخواست کی ہے۔

اسپیکر سندھ اسمبلی آغا سراج درانی نےشہلا رضا کو یقین دہانی کرائی کہ وہ وزیر اعلیٰ سندھ سید قائم علی شاہ کو اس صورت حال سے بذات خود آگاہ کریں گے اور انہیں فول پروف سیکیورٹی کے لئے اپیل کریں گے۔