ایمزٹی وی(تعلیم) ارود لغت (تاریخی اصول پر) کی تکمیل اردو ڈکشنری بورڈ کا قابل فخر کارنامہ ہے، مختصر لغت پر جاری منصوبے کو جلدازجلد پایہ تکمیل تک پہنچانے کے بعد آئندہ منصوبوں میں ترجیحات کی فہرست مرتب کی جائے۔ یہ بات مشیر وزیر اعظم/وفاقی وزیر برائے قومی تاریخ و ادبی ورثہ ڈویژ ن، عرفان صدیقی نے اردو لغت بورڈ، کراچی کا دورہ کرنے کے موقع پر کہی اور ادارتی و تکنیکی عملے سے اور خصوصی طور پرمدعو مشاہیر ادب و عمائد اردو سے ملاقات بھی کی۔