ایمز ٹی و ی (تعلیم) سندھ کے اسکولز، کالجز، جامعات سمیت تمام سرکاری ونجی تعلیمی اداروں کی سیکیورٹی فول پروف بنانے کے لئے اسلحہ لائسنس جاری کئے جائیں اورعلاقائی سطح پر رینجرز کی نگرانی میں کنٹرول روم قائم کئے جائیں. ان مطالبات کا اظہار صدرپیک سیدشہزاد اختر نے وفد کے ہمراہ ڈی جی پرائیویٹ اسکولز ڈاکٹرمنسوب حسن صدیقی سے ملاقات کے دوران کیا۔ وفد میں شامل ممبر میٹرک بورڈ غلام عباس بلوچ کا کہنا تھا کہ ممکنہ دہشت گردی کے خطرات سے نمٹنے کے لئے تعلیمی اداروں میں سی سی ٹی وی کیمروں کی تنصیب لازمی قرار دی جائے۔