ایمزٹی وی (تعلیم) جامعہ کراچی کے ناظم امتحانات پروفیسر ڈاکٹر ارشد اعظمی کے اعلامیہ کے مطابق بی کام پرائیوٹ کے سالانہ امتحانی فارم جمع کرانے کی تاریخ میں1000/= روپے لیٹ فیس کے ساتھ ایک دن کی توسیع کردی گئی ہے۔جس کے مطابق طلبہ اپنے امتحانی فارم 5000/= روپے فیس برائے سال اول/ دوئم اور کمبائنڈ کے لئے 8000/= روپے فیس کے ساتھ بروز پیر15 فروری 2016 ء کو جمع کراسکتے ہیں۔ امتحانی فارم بینک کائونٹرز واقع سلورجوبلی گیٹ جامعہ کراچی پر جمع کرائے جاسکتے ہیں۔واضح رہے کہ ایسے طلباوطالبات جو 2009 ء یا اس سے قبل کی رجسٹریشن کے حامل ہیں اورسالانہ امتحانات میں شرکت کے خواہشمند ہیں انہیں امتحانی فیس کے علاوہ 3000/= روپے اضافی چارجز بھی جمع کرنا ہونگے۔