ایمزٹی وی (ایجوکیشن) ثانوی تعلیمی بورڈکراچی نے جماعت دہم سائنس و جنرل گروپ ریگولر و پرائیویٹ کے امتحانی فارمز برائے سال 2016 جمع کرانے کی تاریخ میں 29فروری 2016تک توسیع کر دی ہےاعلامیے کے مطابق میٹرک بورڈ کے چیئرمین پروفیسر انوار احمد زئی نے کہا ہے کہ طلباء و طالبات کو سہولت فراہم کرنے اور ان کے قیمتی سال کو بچانے کیلئے امتحانی فارم جمع کرانے کی تاریخ میں 29فروری تک توسیع کی جا رہی ہے ، ایسے طلبہ اپنے فارم موجودہ لیٹ فیس میں300 روپے اضافے کے ساتھ جمع کراسکیں گے۔ امتحانی فارمزنیشنل بینک، حبیب بینک، عسکری کمرشل بینک اوریونائیٹڈ بینک کی بورڈ آفس کی برانچوں سے حاصل کئے جا سکتے ہیں اور وہیں جمع بھی کرائے جا سکتے ہیں۔