ایمزٹی وی (تعلیم) پلان انٹرنیشنل اور نوحا گل بل کے زیراہتمام مقامی ہوٹل میں ڈاکیومینٹری تعلیم ہمارا مستقبل اور لانچنگ رپورٹ بلیک ٹو برائٹ کا اہتمام کیا گیا جس سے خطاب کرتے ہوئے سیکرٹری تعلیم سندھ فضل اللہ پیچوہو نے کہا کہ فری لازمی تعلیم کو گراس روٹ لیول پر لے کر جائیں گے اس حوالے سے ان کا مزید کہنا تھا کہ پلان انٹرنیشنل کے تعلیم کے فروغ کے لئے اقدامات کو سراہتے ہیں، ان کے ساتھ ایک ایم او یو پر دستخط کئے ہیں جس کے صوبے پر دوررس نتائج برآمد ہوں گے۔ اس موقع پر ایم پی اے سندھ اور چیئرمین اسٹیڈنگ کمیٹی خورشید احمد جونیجو، کنٹری پروگرام منیجر امپلی مین ٹیشن عمران یوسف شامی اور عطا محمد نے بھی خطاب کیا علاوہ ازیں اشتیاق بیگ، محمد شاہد امین، نور فاطمہ کاظمی، کنزہ جاوید، مریم عیسیٰ، فرخ رحیم، جمشید علی، عظیم غوری، اطالوی قونصل گیانلوکا، سلمیٰ مراد، عادل مراد، حسن سومرو اور دیگر بھی موجود تھے۔