ایمزٹی وی:(کراچی) سندھ ہائی کورٹ میں وزیر اطلاعات سندھ شرجیل میمن کے بیان پر توہین عدالت کی درخواست کی سماعت ہوئی، درخواست گزار کا موقف تھا کہ صوبائی وزیر نے چند روز قبل کہا تھا کہ اگر عدالتیں سزا نہیں دے سکتیں تو جج مستعفی ہوجائیں، ان کا یہ بیان عدالتوں اور فاضل جج صاحبان کی توہین کےمترادف ہے، اس لئے عدالت عالیہ سے استدعا ہے کہ انہیں نااہل قرار دیا جائے۔

سندھ ہائی کورٹ نے شرجیل میمن، الیکشن کمیشن، اسپیکرسندھ اسمبلی آغا سراج درانی اور وزیراعلیٰ سندھ قائم علی شاہ کو نوٹس جاری کرتے ہوئے سماعت 16 دسمبر کے لئے ملتوی کردی۔