ایمزٹی وی(تعلیم) محمد علی جناح یونیورسٹی کراچی کے مارکیٹنگ مینجمنٹ کے طلبہ کی جانب سے گزشتہ روز یونیورسٹی کیمپس میں ایک گرینڈ مارکیٹنگ میلہ کا انعقاد کیا گیا جس میں ملک کی آٹھ مشہور برانڈپراڈکٹس تیار کرنے والی کمپنیوں کے اسٹالز لگائے گئے ۔ میلے میں طلبہ کے کھیل اور تفریح کا بھی اہتمام کیا گیا تھا جس میں حصہ لینے والوں کو انعامات بھی دئیے گئے ۔واضح رہے کہ ایم اے جناح یونیورسٹی میں منعقد ہونے والا یہ چوتھا مارکیٹنگ میلہ تھا۔یونیورسٹی میں اس قسم کے میلوں کا انعقاد کا مقصد مارکیٹنگ کے مضمون کے طلبہ کو اس بات کا تجربہ کرانا تھا کہ جب وہ اپنی تعلیم مکمل کرکے عملی زندگی میں قدم رکھیں اور کسی مشہور برانڈ تیار کرنے والے ادارہ میں ملازمت اختیار کریں تو انہیں اس بات کا احساس ہو کہ اس کی بہتر مارکیٹنگ کے لئے کس طرح کام کیا جاتا ہے اور وہ خود اپنا موثر کردار ادا کرنے کے لئے کیا کچھ کرسکتے ہیں.