ایمز ٹی وی (بزنس)نیپرا کی جانب سے جاری اعلامیے کے مطابق کے الیکٹرک کیلئے بجلی کی قیمت میں کمی فروری کی فیول ایڈجسٹمنٹ کی مد میں کی گئی ہے۔ نیپرا کا کہنا ہے کہ کے الیکٹرک نے چوالیس پیسے فی یونٹ کمی کی درخواست کی تھی تاہم فروری میں کے الیکٹرک نے اپنے پاور پلانٹس سے کم بجلی پیدا کی اور آئی پی پی پیز سے بجلی خریداری کی وجہ سے صارفین پر اضافی بوجھ پڑا جس کی وجہ سے قیمت میں پچھتر پیسے فی یونٹ کمی کی گئی۔ ماہانہ تین سو یونٹ استعمال کرنے والے صارفین ریلیف سے محروم رہیں گے۔