ایمزٹی وی(کھیل) ویسٹ انڈیز میں جاری 3 ملکی سیریز کے پانچویں میچ میں میزبان ویسٹ انڈیز نے آسٹریلیا کو 4 وکٹ سے شکست دے دی۔ میچ میں ویسٹ اندین ٹیم نے ٹاس جیت کے مہمان آسٹریلیا کو پہلے بیٹنگ کی دعوت دی ، جنہوں نے مقررہ 50اوورز میں 7 وکٹوں کے نقصان پر 265 رنز اسکور کیے۔ٹیم کی جانب سے عثمان خواجہ98، کپتان اسٹیون اسمتھ74 اور جارج بیلی 55رنز کے ساتھ نمایاں اسکورر رہے۔ویسٹ انڈیز بولرز کی جانب سے جیسن ہولڈر، کارلوس براتھویٹ اور کیرون پولارڈ نے 2،2 وکٹیں حاصل کیں۔کینگروز ٹیم کے 266 رنز کے ہدف کے تعاقب میں کالی آندھی ٹیم کے 6 کھلاڑی آئوٹ ہوئے اور انہوں نے مطلوبہ ہدف 4.45اوورز میں حاصل کرلیا۔ٹیم کی جانب سے مارلن سیمولز 92اور جوناتھن چارلس48 رنز کےساتھ نمایاں بیٹسمین رہے اور ٹیم کو آسٹریلیا کے خلاف اہم فتح سے ہمکنار کرایا۔تین ملکی سیریز میں اگلا میچ 15 جون کو ویسٹ انڈیز اور جنوبی افریقہ کے مابین کھیلا جائے گا۔واضح رہے کہ سیریز میں آسٹریلیااور ویسٹ انڈیز نے 2،جبکہ جنوبی افریقہ نے ایک میچ جیتا ہے۔