ایمزٹی وی(لاہور) مون سون کے باعث پنجاب میں سیلاب کی پیشگوئی کی گئی ہے اور12اضلاع کے اس کی زد میں آنے کا امکان ہے ۔ پنجاب ڈیزاسٹر مینجمنٹ اتھارٹی نے ممکنہ اضلاع کی نشاندہی کرتے ہوئے تمام متعلقہ اداروں کوالرٹ رہنے کے احکامات دئیے ہیں ۔ صوبائی ڈیزاسٹر مینجمنٹ اتھارٹی کی جانب سے صوبے کے جن بارہ اضلاع میں سیلاب کے خدشے کا اظہار کیا گیا ہے ان میں ڈی جی خان ، بھکر ، میانوالی ، مظفر گڑھ ، لیہ ،جھنگ ، راجن پور اور دیگر اضلاع شامل ہیں ۔ ڈیزاسٹر مینجمنٹ اتھارٹی نے دیگر قریبی اضلاع کو بھی مختلف کیٹگریز میں شامل کرلیا ۔ ان اضلاع میں سیلاب سے بچنے کے لئے حفاظتی اقدامات کو تیز کر دیا گیا ہے