گوگل نے اپنی مقبول ترین سروس میپس میں جیمنائی آرٹی فیشل انٹیلی جنس ماڈل پر مبنی فیچرز کا اضافہ کیا ہے۔

کمپنی کی جانب سے اعلان کیا گیا کہ نئی اپ ڈیٹس سے صارفین اے آئی ٹیکنالوجی کی مدد سے گھومنے کے لیے نئے مقامات کو تلاش کر سکیں گے جبکہ مختلف جگہوں کے بارے میں سوالات کے جواب حاصل کرسکیں گے۔

گوگل میپس میں نیوی گیشن فیچرز کو بھی بہتر بنایا جا رہا ہے تاکہ ڈرائیورز کو اپنی منزل تک پہنچنے میں مدد مل سکے۔

یہ نئے فیچرز پہلے امریکا میں صارفین کو دستیاب ہوں گے۔
نیوی گیشن کے لیے گوگل میپس میں ایڈ اسٹاپس نامی فیچر کا اضافہ کیا گیا ہے جو کسی شہر کے اہم مقامات، تفریحی مراکز اور کھانے پینے کے مراکز کو بہترین روٹس کے ساتھ تجویز کرے گا۔

گوگل کی جانب سے ویدر الرٹ سسٹم بھی متعارف کرایا جا رہا ہے جس میں ڈرائیورز یہ رپورٹ کرسکیں گے کہ موسم کے باعث انہیں کن جگہوں پر مشکلات کا سامنا ہے تاکہ دیگر افراد کو مدد مل سکے۔

اگر آپ کسی دوست کے ساتھ گھومنے کی منصوبہ بندی کر رہے ہیں تو اس کے لیے میپس سرچ بار میں سوالات پوچھ سکتے ہیں، اے آئی ماڈل جگہ اور وقت کو مدنظر رکھ کر بتائے گا کہ آپ کیا کچھ کر سکتے ہیں۔

جیمنائی کی جانب سے ان مقامات کے بارے میں سوالات کے جوابات بھی دیے جائیں گے۔

گوگل کے مطابق یہ فیچرز آئندہ چند ہفتوں میں امریکا میں صارفین کو دستیاب ہوں گے اور بتدریج انہیں دیگر ممالک میں متعارف کرایا جائے گا۔

پشاور : خیبر پختونخوا حکومت نے ضم قبائلی اضلاع میں بچیوں کی تعلیم کےفروغ کے لیے ماہانہ وظیفہ پروگرام کا اعلان کردیاہے۔

ضم اضلاع کے بچیوں کو ماہانہ وظائف کے اجراکیلئے وزیراعلیٰ ہاؤس میں تقریب کا انعقاد کیا گیا۔

دوران تقریب بریفنگ میں بتایا گیا کہ ضم اضلاع کی چھٹی تا بارہویں کلاس کی بچیوں کو ماہانہ1 ہزار روپے دیے جا رہےہیں، پروگرام کے تحت 514 اسکولوں کی 30 ہزار بچیوں کو وظائف دیے جائیں گے۔

اعلان کیے گئے وظیفہ پروگرام کے تحت چھٹی سے بارہویں جماعت کی بچیوں کا ماہانہ 1 ہزار روپے وظیفہ کم از کم 70 فیصد حاضری سے مشروط ہے جب کہ 8 اضلاع کی 30 ہزار بچیاں اس پروگرام سے مستفید ہو رہی ہیں۔

بریفنگ کے دوران بتایا گیا کہ ضم اضلاع کی بچیوں کے ماہانہ وظائف پروگرام پر1.14 ارب روپے کی لاگت آئےگی، لاگت کا 82 فیصد حصہ کےپی حکومت،باقی 18 فیصد ورلڈ فوڈ پروگرام دے رہا ہے۔

اس موقع پروزیراعلیٰ کے پی کا کہنا تھا کہ ضم اضلاع کے لوگوں نےبہت زیادہ قربانیاں دیں اور مشکلات برداشت کیں ، بچیوں کیلئے ماہانہ وظائف کا بنیادی مقصد داخلوں کی شرح بڑھانا اور ڈراپ آؤٹ کی شرح کم کرنا ہے۔

وزیر اعلیٰ کا مزید کہنا تھا کہ بانی پی ٹی آئی کے وژن کے مطابق پسماندہ طبقوں اور علاقوں کو آگے لانے پرکام کر رہےہیں، پروگرام سےضم اضلاع کےاسکولوں کی انرولمنٹ میں 14 فیصد اضافہ ہوا ہے۔

اتر پردیش: بھارتی ریاست اترپردیش کے وزیراعلیٰ یوگی ادتیہ ناتھ کو استعفیٰ نہ دینے کی صورت میں مسلمان سیاستدان بابا صدیقی کی طرح قتل کرنے کی دھمکی موصول ہوئی ہے۔

بھارتی میڈیا کے مطابق ادتیہ ناتھ کو دھمکی موصول ہوئی ہے جس میں کہا گیا ہے کہ اگر انہوں نے 10 دن میں وزارت اعلیٰ سے استعفیٰ نہیں دیا تو ان کو بھی نیشنلسٹ کانگریس پارٹی کے مسلم رہنما بابا صدیقی کی طرح قتل کردیا جائےگا۔

رپورٹ کے مطابق دھمکی آمیز پیغام ممبئی ٹریفک پولیس کو گزشتہ روز ان کے واٹس ایپ ہیلپ لائن نمبر پر ایک نامعلوم نمبر سے موصول ہوا، پولیس حکام ابھی اس حوالے سے تحقیقات کررہے ہیں کہ نمبر کس کا ہے۔

بھاتی میڈیا کے مطابق وزیراعلیٰ یوگی ادتیہ ناتھ کو دھمکی آمیز پیغام کے حوالے سے آگاہ کردیا گیا ہے جب کہ انہیں ملنے والی دھمکی کے حوالے سے اب تک ممبئی پولیس نے کوئی مقدمہ درج نہیں کیا۔

بھارت میں جلائی گئی فصلوں کی باقیات اور کچرے کادھواں لاہور پہنچ گیا۔

بھارت کی طرف سے چلنے والی ہواؤں سے سب سے زیادہ متاثر ہونے والا ضلع لاہور ہے۔مشرق سے چلنے والی ہوائیں سیاہ بادلوں کا مرغولہ اور گرداب بن کر وسطی پنجاب میں آ چکی ہیں۔ بھارتی شہروں جالندھر، لدھیانہ، چندی گڑھ، بھٹنڈہ، کرنال، گورداسپور، امرتسر اور اٹاری سے دھوئیں کے گہرے سیاہ بادل تیز ہواؤں اور مرغولوں کی شکل میں پاکستانی علاقوں میں آ رہے ہیں۔

بھارتی کی طرف سے آنے والی آلودہ ہواؤں کے باعث لاہور میں اسموگ کی صورت حال مزید پیچیدہ ہوگئی ہے۔ موسمیاتی ماہرین کا کہنا ہے کہ بھارتی آلودہ ہواؤں سے لاہور میں معمول کا قدرتی فضائی بہاؤ رک گیا ہے۔

 لاہور میں ایئر کوالٹی انڈکس 650 تک پہنچ گیا 

بھارت میں اسموگ کے عوامل پر قابو پانے سے ہی خطے میں سموگ پر قابو پایا جا سکتا ہے۔