غزہ سے آئے 44 طالب علم راولپنڈی میڈیکل یونیورسٹی کا حصہ بن گئے ہیں۔

غزہ سے آنے والوں میں 11 طالبات اور 33 طلبہ شامل ہیں۔ یہ سب راولپنڈی میڈیکل یونیورسٹی میں اپنی تعلیم مکمل کریں گے۔

پاکستان آنے والے طالب علم غزہ کی ال اظہر یونیورسٹی میں زیر تعلیم تھے۔ ڈاکٹر یوسف الدین نے پاکستانی حکام سے طالب علموں کوپاکستان منتقلی کی اپیل کی تھی۔

غزہ سے پاکستان آنے والے طلبا کو ڈاکٹر جہانگیر سرور، ڈاکٹر عمر اور ڈاکٹر رضوان تاج نے خوش آمدید کہا۔

پرنسپل راولپنڈی میڈیکل یونیورسٹی ڈاکٹر جہانگیر سرور نے طلبا کو وائٹ کوٹ پہنائے۔

وائس چانسلر راولپنڈی میڈیکل یونیورسٹی ڈاکٹر عمر نے طلبا کے لیے نیک خواہشات کا اظہار کیا۔

آئی بی اے نےٹی وی شو ہوسٹ اور کامیڈین تابش ہاشمی کو اعلیٰ کارگردگی پر ایکسیلینسی ایوارڈ سے نوزا دیا ۔

پاکستان کی انٹرٹینمنٹ انڈسٹری میں کامیڈی کی منفرد طرز کیلئے مشہور معروف ٹی وی ہوسٹ تابش ہاشمی کو ان کی درسگاہ آئی بی اے کی جانب سے انٹرٹینمنٹ انڈسٹری میں اعلیٰ کارگردگی پر ایکسیلینسی ایوارڈ سے نوزا دیا گیا۔

تابش ہاشمی نےمیڈیاسے گفتگو کرتے ہوئے کہا کہ وہ اس ایوارڈ سے بہت خوش ہیں انہیں امید ہی نہیں تھی کہ ایوارڈ انہیں ملے گا۔

تابش ہاشمی نے مزید بتایا کہ لوگ حیران ہوں گے کہ ایک اسٹینڈ اپ کامیڈین کو کیسے ایوارڈ ملا ہے لیکن ان کے کیرئیر کے پہلے اسٹینڈ اپ کا انعقاد بھی آئی بی اے نے کیا تھا۔

آئی بی اے کی جانب سے سابق طلبا کو مختلف شعبوں میں اعلیٰ کارکردگی دکھانے پر ایوارڈ دیا گیا۔

تقریب میں ایوارڈ لینے والوں میں مختلف اداروں کے سی ای اوز، ڈینز اور کاروباری شخصیات شامل تھیں۔

لاہور: ادارہ تحفظ ماحولیات نے اسموگ بڑھنے کے باعث الرٹ جاری کردیا۔

ڈی جی ادارہ تحفظ ماحولیات عمران شیخ کے مطابق اسموگ کے باعث خصوصی بچوں کواسکول آنےسے روک دیاگیا ہے اور خصوصی تعلیم کے تمام اسکولوں کو آن لائن کلاسزکے انتظامات کی ہدایت کی گئی ہے۔

عمران شیخ نے کہا کہ اسکول بندش کا اقدام سانس، الرجی اور دل کے مریض بچوں کی صحت کے لیےکیا گیا جب کہ گرین لاک ڈاؤن کے تحت اسٹیک ہولڈرزکے اشتراک سے ایس اوپیزپرعمل جاری ہے۔ڈی جی ماحولیات نے بتایا کہ گرین لاک ڈاؤن ایریا میں گزشتہ شب اسموگ ایس اوپیزکی خلاف ورزی پر 2 باربی کیو ریسٹورینٹ سیل کردیے، پنجاب میں 9 بھٹے اور4 انڈسٹریل یونٹس گرادیے گئے ہیں جب کہ گرین لاک ڈاؤن ایریا میں تعمیرات پر پابندی ہے اور دفاتر کے ڈیزل جنریٹرز کی انسپیکشن آج سے ہوگی۔

دوسری جانب سینئر وزیر پنجاب مریم اورنگزیب نے کہا کہ وزیراعلیٰ کی ہدایت پر اسموگ ایس اوپیزپر مکمل عملدرآمدکو یقینی بنایاجا رہا ہے، فصلوں کی باقیات جلانے والوں کی فوری گرفتاری بھی یقینی بنائی جارہی ہے۔

ان کا کہنا تھا کہ اسموگ جان لیوا آفت ہے لہٰذا عوام اسموگ ایس اوپیز کی خلاف ورزی کی فوری رپورٹ کریں۔

ٹیکنالوجی کمپنی ایپل نے اپنا نیا میک منی متعارف کرادیا۔ اپنے گزشتہ ماڈل کے سائز سے نصف یہ مشین کمپنی کا اب تک کا سب سے چھوٹا کمپیوٹر ہے۔

ایپل کے مطابق یہ نیا میک صرف پانچ بائے پانچ انچ چوڑا ہے اور اس میں کمپنی کی جانب سے حال ہی میں جاری کی گئی ایم 4 چپ نصب ہے۔

ایپل کے ہارڈ ویئر باس جان ٹیرنس کا کہنا تھا کہ یہ کمپیوٹر ناقابلِ یقین حد تک چھوٹے ڈیزائن میں بہترین کارکردگی دِکھاتا ہے جو کہ ایپل سِلیکون کی پاور ایفیشنسی اور نئے تھرمل آرکیٹیکچر کی بدولت ہے۔

کمپنی کے مطابق نیا میک منی ایپل کا پہلا مکمل طور پر کاربن نیوٹرل کمپیوٹر ہے اور اس کے لیے اس کو 80 فی صد تک کاربن اخراج میں کمی لانی ضروری تھی۔ اس کمی میں نہ صرف اس کے بنانے کا عمل شامل ہے بلکہ اس کی شپنگ اور صارف کا استعمال بھی شامل ہے۔

ایپل کی جانب سے سب سے پہلے 2005 میں میک منی متعارف کرایا گیا تھا۔ بعد ازاں اس کو لوگوں کو پی سی سے دور کرنے کی غرض سے پیش کیا جانے لگا جس کے تحت ایپل کے کمپیوٹر کو بیرونی ڈسپلے، کی بورڈ اور ماؤس کے استعمال کیا جا سکنا تھا۔