اسلام آباد: مسلم لیگ (ن) کے صدر شہباز شریف کا کہنا ہے کہ صدارتی انتخاب میں پاکستان پیپلز پارٹی نے اعتزاز احسن کا نام ہمیں اعتماد میں لیے بغیر تجویز کیا۔

قومی اسمبلی میں صحافیوں نے شہباز شریف سے سوال کیا کہ اپوزیشن اکٹھی کیوں نہ ہو سکی جس پر شہباز شریف نے کہا کہ آپ اپوزیشن کو اکٹھا کر سکتے ہیں تو کرلیں۔ ایک اور سوال پر کہ آپ کی زرداری صاحب سے ملاقات ہوتی تو شاید معاملہ حل ہو جاتا، شہباز شریف نے کہا کہ اب اپوزیشن کو اکٹھا کریں گے اور کوشش کریں گے کہ مستقبل میں اپوزیشن اکٹھی ہو جائے۔