ایمزٹی وی(لاہور) ورثا مبینہ اغوا کے خلاف احتجاج کرتے رہے ، اذان نے ورثا کو ٹیلی فون کر کے بتایا کہ وہ راولپنڈی میں خیریت سے ہے

لاہور میں بچوں کے لاپتہ ہونے کا معاملہ نیا رخ اختیار کرنے لگا ، بچے مرضی سے گھروں سے بھاگنے اور پھر واپس آنے لگے ۔ گزشتہ رات لاپتہ ہونے والا اذان بھی راولپنڈی سے مل گیا

جبکہ ورثا مبینہ اغوا کے خلاف رات بھر سے دن کے پہلے پہر تک احتجاج کرتے رہے ۔ شفیق آباد کے علاقے مالی پورہ کا اذان گزشتہ روز لاپتہ ہوا تو ورثا نے کیا بند روڈ بلاک اور احتجاج ۔ اذان کے اہل خانہ دن کے پہلے پہر تک سڑک پر دھرنا دیئے بیٹھے رہے اور صوبائی وزیر خوراک بلال یاسین سے مذاکرات بھی جاری رہے ۔ ادھر اذان کا ٹیلی فون ورثا کو آیا کہ میں خیریت سے ہوں ۔

اذان کے والدین کہتے ہیں نہیں معلوم کہ بچہ راولپنڈی کیسے پہنچا جبکہ پولیس کا کہنا ہے کہ اذان کو لاہور واپس لانے کا انتظام کر رہے ہیں