ایمز ٹی وی(ملتان) ملتان میں نجی ہوٹل کی بالائی منزل سے کود کر غیر ملکی باشندے نے خودکشی کر لی۔

ملتان کے نجی ہوٹل کی دوسری منزل پر رہائش پذیرجاپانی انجینئر نے چھلانگ لگا کر زندگی کا خاتمہ کر لیا جس کی لاش نشتر ہسپتال منتقل کر دی گئی ہےجہاں پوسٹ پوسٹ مارٹم کیا جا ئے گا ۔

پولیس حکام کا کہنا ہے کہ جاپانی انجینئر اوکو مورانے ہوٹل کی بالائی منزل سے چھلانگ لگا کر خودکشی کی ہے اور اس نے اپنی فیملی کیلئے تحریر بھی چھوڑی ہے۔حادثے کے بعد پنجاب حکومت نے ہوٹل کو سیل کر کے تحقیقات کا حکم دیدیا ہے۔پولیس نے مزید کہا ہے کہ جاپانی باشندہ ڈیرہ غازی خان میں سڑکوں کے مختلف منصوبوں پر کام کر رہا تھا تاہم اس کی موت کی خبر سے اہل خانہ کو آگاہ کر دیا گیا ہے۔

پولیس نے مزید کہا ہے کہ اوکومارا رات ساڑھے تین بجے کے قریب اپنے کمرے سے باہر نکلے اور ٹیرس میں گھومتے رہے جس کے بعد چھلانگ لگا کر خود کشی کر لی۔C