ایمز ٹی وی (راولپنڈی) پاک فوج کی شمالی وزیرستان میں کامیاب کارروائیاں جاری۔ شوال میں فرار ہونے والے امن دشمنوں کیخلاف زمینی آپریشن۔ آئی ایس پی آر کے مطابق منگروٹی میں سیکورٹی فورسز نے دہشتگردوں کو گھیرے میں لیا تو جھڑپ شروع ہو گئی۔ سیکورٹی فورسز کی کامیاب کارروائی کے دوران انیس امن دشمن ہلاک اور متعدد زخمی ہو گئے۔ فائرنگ کے تبادلے میں ایک افسر سمیت چار سیکورٹی اہلکار بھی وطن پر قربان ہو گئے۔ شہید ہونے والوں میں کیپٹن عمیر عبداللہ شامل ہیں۔ آئی ایس پی آر کا کہنا ہے کہ دہشتگردوں کا گروپ پاک افغان بارڈر عبور کرنا چاہتا تھا سیکورٹی فورسز نے کامیاب آپریشن کر کے امن دشمنوں کی کوشش ناکام بنا دی۔ آئی ایس پی آر کے مطابق شہداء کی نماز جنازہ گیارہ کور پشاور میں ادا کی جائے گی جس کے بعد کیپٹن عمیر شہید کا جسد خاکی راولپنڈی، حوالدار حاکم کا جیکب آباد، سپاہی حمید کا سانگھڑ جبکہ سپاہی راشد کا جسد خاکی ڈیرہ اسماعیل خان منتقل کیا جائے گا۔
جمعہ, 17 مئی 2024
تازہ ترین