ایمز ٹی وی (لاہور)آئی ایس پی آر اور وفاقی وزیر داخلہ نے سابق گورنر پنجاب سلمان تاثیر کےبیٹے کی بازیابی کی تصدیق کی ہے ۔ ڈی جی آئی ایس پی آر نے تصاویر بھی جاری کر دیں ، چودھری نثار کہتے ہیں شہباز تاثیر آج اپنے گھر لاہور پہنچ جائیں گے ۔ آئی ایس پی آر کے مطابق انٹیلی جنس ایجنسیوں نے کچلاک میں کارروائی کے دوران شہباز تاثیر کو بحفاظت بازیاب کرالیا ۔ کارروائی کی تفصیلات جلد جاری کی جائیں گی ۔ ڈی جی آئی ایس پی آر لیفٹیننٹ جنرل عاصم سلیم باجوہ نے شہباز تاثیر کی تازہ ترین تصاویر بھی جاری کی ہیں ۔ تصاویر میں کالے رنگ کی شلوار قمیض پہنے شہباز تاثیر نے لمبی داڑھی رکھی ہوئی ہے ، سر پر ٹوپی بھی پہن رکھی ہے ، ڈی جی آئی ایس پی آر کے مطابق شہباز تاثیر مکمل طور پر محفوظ اور صحت مند ہیں ۔ بلوچستان حکومت کے ترجمان انوار الحق کہتے ہیں شہباز تاثیر کو مقامی ہوٹل کے عقب میں کچے مکان میں رکھا گیا تھا جنہیں مشترکہ آپریشن میں بازیاب کرایا گیا ۔ وفاقی وزیر داخلہ نے بھی بازیابی کی تصدیق کی ہے ، کہتے ہیں شہباز تاثیر آج اپنے گھر لاہور پہنچ جائیں گے ۔
پیر, 25 نومبر 2024
تازہ ترین