ایمز ٹی وی (کراچی) سیکیورٹی فورسز نے کارروائی کرتے ہوئے طالبان کے اہم کمانڈر امجد عرف سجاد لنگڑا کو ہلاک کر دیا ہے ۔ترجمان رینجرز کے مطابق خفیہ اطلاعت پر ینجرز اہلکاروں نے اتحاد ٹاﺅن میں کارروائی کی جس میں تحریک طالبان سوات کا کمانڈر ہلا ک ہو گیاہے،جبکہ دہشت گردوں سے فائرنگ کے تبادلے میں رینجرز کا ایک اہلکار بھی زخمی ہو اہے جسے ہسپتال منتقل کر دیا گیا ہے ۔ہلاک ہونے والا دہشت گرد کراچی میں دہشت گردی کے بڑے منصوبوں میں ملوث تھا ،سیکیورٹی فورسز نے آپریشن کے بعد دہشت گردوں کے ٹھکانے سے بڑی تعداد میں اسلحہ اور بارود بھی قبضہ میں لے لیاہے ۔