ایمزٹی وی(کراچی) ایم کیو ایم کے قائد الطاف حسین نے کہا ہے کہ سندھ کے کسی وزیر نے اب تک ٹمبر مارکیٹ کا دورہ نہیں کیا۔ پرانا حاجی کیمپ پر قائم ایم کیو ایم کے کیمپ میں کارکنوں سے ٹیلی فونک گفتگو کرتے ہوئے الطاف حسین نے اپیل کی کہ سندھ حکومت اُن لوگوں کی مشکل کا احساس کرے جن کی زندگی بھر کی جمع پونجی جل کر راکھ بن گئی۔ انہوں نے کہا کہ حکومت متاثرین کی جلد بحالی کے لیے اقدامات کرے۔ الطاف حسین نے متاثرین کے ساتھ مسلسل رابطے اور انکا خیال رکھنے پر ایم کیو ایم کے کارکنوں اور خطرناک آگ کی کوریج کرنے پر میڈیا کو خراج تحسین پیش کیا ۔