ایمز ٹی وی (تجارت) امریکی جریدے اور برطانوی جریدے نے پاکستان کی معاشی ترقی کا اعتراف کرتے ہوئے کہا ہے کہ اشتہاری کمپنیوں کو پاکستانی کرکٹ بھا گئی ہے اور انہوں نے پاکستان کرکٹ میں سرمایہ کاری کی خواہش کا اظہار کیا ہے۔
میڈیا زرائع کے مطابق امریکی اور برطانوی جرائد میں شائع ہونے والی رپورٹ میں کہا گیا ہے کہ سیاست‘ معیشت‘ کھیل سمیت ہر شعبے میں پاکستان ترقی کی راہ پر ہے۔ پاکستان سپر لیگ (پی ایس ایل) کے فائنل کا لاہور میں انعقاد بڑی کامیابی ہے اور مردم شماری بھی اہم فیصلہ ہے۔
امریکی جریدے نے پی ایس ایل کا فائنل میچ لاہور میں کرانا بڑی اہم کامیابی قرار دیتے ہوئے کہا کہ اشتہاری کمپنیوں کو پاکستانی کرکٹ بھا گئی ہے اور انہوں نے پاکستان کرکٹ میں سرمایہ کاری کی خواہش کا اظہار کیا ہے۔
برطانوی جریدے کے مطابق اسٹاک مارکیٹ تیزی سے ابھری اور ملک میں غربت کی شرح کم ہوئی جبکہ شہری مڈل کلاس میں اضافہ ہو رہا ہے۔ اخبار کے مطابق وزیراعظم نواز شریف کے دور حکومت میں ملک میں بجلی کی قلت پر کافی حد تک قابو پا لیا گیا ہے۔