ایمز ٹی وی ( تعلیم) زرعی یونیورسٹی فیصل آباد اور ٹیٹرا پیک پاکستان لمیٹڈ نے اکیڈمیا انڈسٹری روابط کو مضبوط بنانے کے سلسلہ میں مفاہمت کی یاداشت پر دستخط کئے ہیں ۔
جس کے مطابق دونوں ادارے ریسرچ و ڈویلپمنٹ کے جملہ امور میں ایک دوسرے کے ساتھ تعاون کرتے ہوئے اپنی مہارتیں اور افرادی قوت ایک دوسرے کے لئے میسر کریں گے۔
معاہدے کے مطابق ٹیٹر ا پیک پاکستان زرعی یونیورسٹی فیصل آباد کی تحقیقی لیبارٹریوں میں تجزیاتی امور میں بہتری کیلئے تعاون کرے گا جبکہ یونیورسٹی کے طلباءوطالبات کیلئے انٹرن شپ کی سہو لیات بھی بہم پہنچائے گا۔