ایمز ٹی وی (ایجوکیشن) ایوان اقبال لاہور میں میڑک اور انٹر کے امتحانات میں نمایاں پوزیشن ہولڈروں کو انعامات دینے کا میلہ سجا تو حسب روایت میلہ لوٹا پنجاب کالج کے طلباء نے اور 150 سے زائد انعامات حاصل کئے، کہتے ہیں اللہ کے بعد والدین اور اساتذہ کی محنت کی وجہ سے یہ مقام حاصل کیا۔ 

تقریب میں دوسرے صوبوں سے آئے ہونہار بچوں نے بھی پنجاب حکومت کی تعلیمی پالیسیوں کو سراہا، خادم پنجاب شہباز شریف نے اپنے ہاتھوں سے بچوں میں انعامات تقسیم کئے اور ان کی بھر پور حوصلہ افزائی کی۔ تقریب میں کل 426 بچوں کو وزیر اعلیٰ نے انعامات دئیے۔ اول آنے والوں کو چار، دوم کو تین اور سوم آنے والوں کو دو لاکھ دئیے گئے جبکہ مجموعی طور پر 18 کروڑ روپے کے انعامات دئیے گئے۔