ایمزٹی وی (تعلیم) وزیر اعلیٰ سندھ سید قائم علی شاہ نے کہا ہے کہ سندھ ایجوکیشن فاﺅنڈیشن (ایس ای ایف) کو نئے تعلیمی سال2016-17 سے ڈھائی لاکھ اضافی بچوں کو اسکولوں میں داخلوں کے لئے مربوط اقدامات کرنے چاہئیں اور اس کام کو ایک ہدف کے طور پر کیا جائے۔ یہ بات انہوں نے چیف منسٹر ہاﺅس میں سندھ ایجوکیشن فاﺅنڈیشن کے بورڈ آف گورنرز کے اجلاس کی صدارت کرتے ہوئے کہی۔ اجلاس میں ایڈیشنل چیف سیکرٹری (ترقیات) اعجاز علی خان، وزیر اعلیٰ سندھ کے پرسنل سیکرٹری علم الدین بلو و دیگر نے شرکت کی۔ مینجمنٹ ڈائریکٹر ایس ای ایف ناہید شاہ درانی نے بورڈ کو بریفنگ دیتے ہوئے بتایا کہ فاﺅنڈیشن کی متعدد اچھی ساکھ کے حامل اداروں کے ساتھ اسٹریٹجک پارٹنر شپ ہے۔ سندھ ایجوکیشن فاﺅنڈیشن اداروں کے ساتھ مل کر صوبہ میں بچوں کی تعلیم و تربیت میں مصروف ہے۔ فاﺅنڈیشن نئے تعلیمی سال کے آغازپر 250,000اضافی بچوں کو اسکول میں داخلے کرائے گی۔