ایمزٹی وی (تعلیم) ایم کیو ایم کے رکن صابر قائم خانی نے سندھ اسمبلی میں گورنمنٹ کالج موری حیدرآباد کو یونیورسٹی کا درجہ دینے کے حوالے سے قرارداد پیش کردی۔ اس حوالے سے ان کا کہنا تھا کہ کالی موری کالج حیدرآباد کے قیام کو سوسال ہوچکے ہیں اور ہر سال پندرہ سے بیس ہزار نوجوان انٹر کرتے ہیں ،مگر انکے لئے یونیورسٹی نہیں ہے سندھ میں تعلیمی سرگرمیوں کے لئے کالی موری کالجز کی گراں قدر خدمات ہیں لہٰذا اسے یونیورسٹی کا درجہ دیاجائے ۔
یونیورسٹی کا درجہ دینے پر حکومت کو کالجز پر مزیدخرچہ نہیں کرنا پڑے گا۔ان کا مزید کہناتھاکہ موجودہ دہشت گردی کا مقابلہ صرف تعلیم سے کرسکتے ہیں اورظلمتوں کاخاتمہ تعلیم کی روشنی پھیلا کر کیا جاسکتاہے۔