ایمز ٹی وی(لاہور)کینٹ کچہری کے جوڈیشل مجسٹریٹ نے چوری کے مقدمے میں ملوث 2مجرموں کو 10،10ماہ قید اور5،5ہزار روپے جرمانے کی سزائیں سنادی ہیں ۔ جوڈیشل مجسٹریٹ شوکت عباس رانجھا کے روبرو ڈیفنس سی پولیس نے ملزمان کے خلاف درج مقدمے کا چالان پیش کررکھاتھا، پراسیکیوشن نے عدالت کو بتایا کہ ملزمان چوری کی مختلف وارداتوں میں ملوث ہیں، ملزمان موٹر سائیکل چوری اور ڈکیتی کی وارداتوں میں ملوث ہیں،پولیس نے ملزمان کو دوران چیکنگ گرفتار کیا تھا، ملزمان نے دوران تفتیش اعتراف جرم بھی کیا ،ان ملزمان کے خلاف قانون کے مطابق کارروائی کی جائے،عدالت نے دلائل سننے کے بعد ملزمان کے سمیع اللہ اور الف خان کے اعتراف جرم پر انہیں رعایت دیتے ہوئے مذکورہ بالا سزائیں سنا دی ہیں۔