ایمزٹی وی (لاہور)پیپلزپارٹی کے رہنما و سینٹراعتزاز احسن نے کہا ہے کہ پاناما نظرثانی درخواست میں شریف فیملی کا مطالبہ مان لیا گیا اب مریم نواز ججز کو گالیاں دینابند کردیں اورانہیں اپنی باتیں تبدیل کرلینی چاہئیں۔ میڈیا سے گفتگو کرتے ہوئے اعتزاز احسن نے کہا کہ مریم نواز جو باتیں کررہی ہیں ان کی نفی ہوگئی ،ایک بات پہلے طے ہوگئی کہ شریف خاندان پانچ ججزسے مطمئن ہیں،اسی لئے نظرثانی درخواست میں کہا 5ججزنظرثانی اپیل سنیں،اب یہ 7ججز نہیں مانگ سکتے ،پاکستان میں انٹرنیشنل کرکٹ کی بحالی پر اعتزاز احسن نے کہا کہ چیئرمین پی سی بی نجم سیٹھی کو بھی مبارکباد دیتا ہوں،ورلڈ الیون کیخلاف ہمارے لڑکے بہت اچھے کھیلے ، بابراعظم ،عماد وسیم اور سب کو مبارک باد دیتاہوں۔