ایمز ٹی وی (اسلام آباد/تعلیم) اسلام آباد کی قائداعظم یونی ورسٹی میں تقریباً تین ہفتوں کے بعد آج سے تدریسی عمل بحال ہوگا۔ جمرات اورجمعہ کی شب ہڑتالی طلبہ، اسلام آباداور یونیورسٹی انتظامیہ کےدرمیان مذاکرات ہوئے، فیسوں میں اضافہ واپس لینے پر 16 روز سے جاری احتجاج ختم کرکے یونی ورسٹی کے دروازے کھول دیے گئے ۔

آج سے باقاعدہ تدریسی عمل بھی بحال ہوجائے گا۔ 45 طلبہ کی بحالی کامعاملہ ابھی حل ہونا باقی ہے۔

سنڈیکیٹ اجلاس نے معاملہ حل کرنے کیلئے تین رکنی کمیٹی بنادی جو 15 دنوں میں طلبہ کودی جانےوالی سزاوں کاجائزہ لے گی۔ ذرائع کاکہنا ہے کہ طلبہ کا ایک دھڑا اب بھی احتجاج کیلئے پر تول رہا ہے ۔