) قائد عوام انجینئرنگ یونی ورسٹی نواب شاہ اور لاڑکانہ کے مختلف انجینئرنگ ڈیپارٹمنٹ جن میں سول، الیکٹریکل، مکینکل، کمپیوٹر سسٹم، الیکٹرانکس، ٹیلی کمیونیکیشن ، انرجی انوائرمنٹ اور دیگر کے بینچ 2019ء میں داخلے کے لئے انٹری ٹیسٹ کا انعقاد یونی ورسٹی میں کیا گیا ۔

اس سلسلے میں یونی ورسٹی کے وائس چانسلر پروفیسر ڈاکٹر سلیم رضا سموں نے بتایا کہ یونی ورسٹی کے مختلف ڈیپارٹمنٹ کی ٹوٹل 998 سیٹوں کے لئے 6172 امیدواروں جن میں 425 طالبات اور 5747 طلبہ نے حصہ لیا اس موقع پر سیکورٹی کے سخت انتظامات کئے گئے تھے ۔وائس چانسلر نے بتایا کہ انٹری ٹیسٹ کے نتائج ویب سائٹ پر دستیاب ہونگے جبکہ میرٹ لسٹ 30اکتوبر کو جاری کی جائے گی۔