ایمزٹی وی (ایجوکیشن) کمشنر کراچی سید آصف حیدر شاہ نے کہا ہے کہ تعلیمی اداروں میں معلومات عامہ کے مقابلوں کا انعقاداچھی کوشش ہے اس سے طلبہ میں اپنی ذہنی صلاحیتوں کو ابھارنے کا موقع ملے گا، تعلیم کے حصول میں ان کی رہنمائی ہوگی، ان کی قابلیت میں اضافہ ہوگا۔ وہ کراچی کالج برائے خواتین میں پاکستان کوئز سوسائٹی کے زیر اہتمام منعقدہ کوئز مقابلہ کی تقریب سے بحیثیت مہمان خصو صی خطاب کر رہے تھے۔ کمشنر نے کہا کہ بچوں کو خا ص طور پر طلبہ کو غیر نصابی سر گرمیوں کے زیادہ سے زیادہ مواقع فراہم کر نے کی ضرورت ہے تاکہ انھیں اپنی تخلیقی اور ذہنی صلاحتیوں کو اجاگر کر نے کے مواقع ملیں۔
مقابلے میں کراچی یونیورسٹی نے اول انعام حا صل کیا ۔ دوئم انعام ویمن کالج ناظم آباد جبکہ تیسرا انعام این ای ڈی نے حا صل کیا۔ حکومت طلبہ میں مثبت غیر نصابی سر گرمیوں میں اضافہ کے لئے حوصلہ افزائی کر رہی ہے۔کمشنر نے کہا کہ پاکستان کوئز سوسائٹی اس سے وابستہ افراد خاص طور پر حافظ نسیم الدین کی معلومات عامہ کے فروغ کے لئے خدمات قابل قدر ہیں۔ پاکستان کوئز سو سائٹی کے چیئرمین حافظ نسیم الدین ، ڈائریکڑ جنرل کالجز انصار ناصر، مراد علی ، انور صدیقی اور پرنسپل کالج صوفیہ موسوی نے بھی خطاب کیا ۔ کوئز مقابلوں میں کراچی کی گیارہ یونیورسٹیوں اور کالجز نے حصہ لیا۔