Reporter SS
ایمزٹی وی (اسلام آباد)اسپیکر قومی اسمبلی ایاز صادق نے کہاکہ پارلیمنٹ کے لان میں جمہوریت کیلئے قربانیاں دینے والے شہداءکی یاد میں یادگار تعمیر کی گئی ہے۔تفصیلات کے مطابق پارلیمنٹ کے لان میں جمہوریت کیلئے قربانیاں دینے والوں کی یاد میں یاد گار کا افتتاح کرنے کی تقریب کے موقع پر اسپیکر ایاز صادق نے کہا کہ یاد گار کی تعمیر کا سہرا چیئرمین سینیٹ رضاربانی کوجاتاہے، آج ہمیں جمہوری اداروں کو مضبوط کرنے کا عہد کرنا ہے۔
انہوں نے کہا کہ کل کے واقعے سے پارلیمنٹیرینز کے سر جھکے ہوئے ہیں، ہمیں پارلیمنٹ سمیت ہرجگہ سننے اوربرداشت کرنے کی پالیسی اپنانا ہوگی، اس واقعے سے ان لوگوں کے ہاتھ مضبوط ہوئے جو جمہوریت نہیں چاہتے، ہمیں اپنے رویوں سے جمہوریت کو مستحکم کرنا ہے۔ایاز صادق کا مزید کہنا تھا کہ دیکھنا یہ ہے کہ ہم یہاں ہاتھا پائی کر نے آئے ہیں یا عوامی مسائل حل کرنے۔ یادگار جمہوریت کیلئے قربانیاں دینے والوں کی یاد میں بنائی گئی ہے۔
ایمز ٹی وی(مانیٹرنگ ڈیسک) اگر تو آپ واٹس ایپ استعمال کرتے ہیں تو بہت جلد آپ کو مختلف کاروباری اداروں سے رابطوں کا سامنا ہوگا۔
جی ہاں فیس بک نے واٹس ایپ سے آمدنی کے حصول کا فیصلہ کیا ہے اور کاروباری ادارے اب براہ راست اس ایپ کے ایک ارب سے زائد صارفین سے رابطہ کرسکیں گے۔
واٹس ایپ نے اپنے نئے بزنس ٹول کی آزمائش شروع کردی ہے اور یہ کمپنی کاروباری اداروں سے صارفین سے رابطہ کرنے کے لیے فیس لے گی جبکہ صارفین کو اسپام پیغامات کے سیلاب کے لیے تیار ہونا پڑے گا۔
واٹس ایپ نے گزشتہ سال اپنے صارفین سے ٹوکن فیس لینے کا سلسلہ ختم کردیا تھا جبکہ فیس بک 2014 میں اس ایپ کو خریدنے کے بعد سے اسے آمدنی کے لیے استعمال کرنے کی منصوبہ بندی کررہی ہے۔
اس بزنس چیٹ ٹول سے صارفین کو اپنے بینک سے رابطہ یا فضائی کمپنیوں سے پروازوں کے بارے میں جاننے کا موقع مل سکے گا۔
واٹس ایپ نے یہ بزنس ٹول وائے کومبنیٹر کے اشتراک سے متعارف کرایا ہے جس کے صدر کا کہنا ہے کہ وہ واٹس ایپ کے اس ٹیسٹ واقف تو نہیں مگر ہم نے دیکھا ہے کہ متعدد کمپنیاں اس ٹول کے ذریعے اپنی مصنوعات کی تشہیئر کرنا چاہتی ہیں۔
ایک کمپنی نے اس حوالے سے بتایا کہ یہ بہت بڑا موقع ہے کیونکہ اس سے بھارت، برازیل اور پاکستان سمیت دنیا بھر میں کاشتکاروں کو واٹس ایپ کے ذریعے صارفین تک رسائی کا موقع مل سکے گا'۔
ابھی یہ آزمائش ابتدائی مراحل میں ہے مگر توقع کی جارہی ہے کہ اس کا اطلاق ان علاقوں میں زیادہ ہوگا جہاں واٹس ایپ بہت زیادہ مقبول ہے۔
ایمز ٹی وی(مانیٹرنگ ڈیسک) معروف کمپنی ٹویوٹا نے اپنی ایک اور کانسیپٹ گاڑی آئی ٹی آر آئی ایل متعارف کرا دی ہے جو اس کے خیال میں 2030 تک سڑکوں پر دوڑتی نظر آئے گی۔
یہ الیکٹرک اور خودکار ڈرائیونگ کی صلاحیت رکھنے والی گاڑی جنیوا میں منعقدہ موٹر شو کے دوران پیش کی گئی۔
بالکل ہی منفرد ڈیزائن کی اس گاڑی کو چلانے کے لیے اس میں ایک الیکٹرک موٹر دی گئی ہے جو اس کے پچھلے پہیوں کو چلنے میں مدد دیتی ہے۔
ٹویوٹا کو توقع ہے کہ یہ چارج ہونے پر 124 میل تک سفر کرسکے گی اور اگرچہ یہ زیادہ تیزرفتار تو نہیں ہوگی مگر اس میں سفر کا تجربہ پرلطف ثابت ہوگا۔
اس کے اگلے پہیے دس ڈگری تک پتلے ہوسکتے ہیں جبکہ پچھلے ٹائرز روڈ پر اپنی شکل برقرار رکھیں گے۔
تاہم اگلے پہیوں کی شکل میں تبدیلی کے نتیجے میں اسے 25 ڈگری کے زاویئے پر بھی ڈرائیو کیا جاسکے گا اور تنگ جگہوں سے گزرنا بھی ممکن ہوجائے گا۔
اس میں کوئی گیج یا پیڈل نہیں بلکہ تمام ضروری معلومات اس میں لگائے گئے ڈسپلے میں نظر آئیں گی جبکہ ہاتھوں سے بریکس وغیرہ لگائے جاسکیں گے اور وہ بھی اس صورت میں جب خودکار ڈرائیونگ کا فیچر استعمال نہ کیا جائے۔
اس کی باہری باڈی ری سائیکل میٹریل سے تیار کی گئی ہے اور دیکھنے میں یہ گاڑی نہیں لگتی۔
ایمز ٹی وی (تعلیم /کراچی) اعلیٰ ثانوی تعلیمی بورڈ کراچی کے ناظم امتحانات محمد عمران خان چشتی نے اعلان کیا ہے کہ انٹرمیڈیٹ سائنس پری میڈیکل، پری انجینئرنگ اور سائنس جنرل گروپس کے ضمنی امتحانات برائے 2016ء کے نتائج کا اعلان 10مارچ کو دوپہر ساڑھے بارہ بجے ہوگا۔
ایمز ٹی وی(اسپورٹس) پاکستان پیٹرولیم لمیٹڈ (پی پی ایل) بلوچستان فٹبال کپ2017 کاآغاز آج سے ہو رہا ہے ۔
ضلعی سطح پر ہونے والے میچز صوبے کے 6 ڈویژنز کوئٹہ ، قلات، مکران، سبّی، ژوب اور نصیر آباد میں کھیلے جائیں گے جوکہ 18 مارچ تک جاری رہیں گے ۔
بیس مارچ سے فائنل راؤنڈ شروع ہوگا ۔31 مارچ کو ہونے والے سیمی فائنلز اور 2 اپریل کو صادق شہید فٹبال اسٹیڈیم (مالی باغ) کوئٹہ میں ہو گا۔
ایونٹ میں حصہ لینے والی 35 ٹیموں کے مابین مجموعی طور پر 74 مقابلے ہوں گے۔
ٹورنامنٹ کا انعقاد حکومتِ بلوچستان، پاکستان فٹبال فیڈریشن اور بلوچستان فٹبال ایسوسی ایشن اشتراک سے کیاجارہا ہے۔
سابق قومی فٹبالرز محمد عیسیٰ خان ،نصراللہ خان، شیرعلی، سعداللہ، محمود علی اور زاہد حمیدٹورنامنٹ کے سفیر ہیں ۔
ایمزٹی وی(راولپنڈی)آرمی چیف جنرل قمر جاوید باجوہ کی زیر صدارت جی ایچ کیو میں آرمی چیف جنرل قمر جاوید باجوہ کی زیر صدارت 200 ویں کور کمانڈر کانفرنس ہوئی جس میں ڈان لیکس کے معاملے پر گفتگو کی گئی اور اس پر ہونے والی پیشرفت کا جائزہ لیا گیا۔ اجلاس کے دوران آپریشن رد الفساد کا جائزہ لیتے ہوئے کہا گیا کہ آپریشن رد الفساددہشت گردوں اور فسادیوں کے لئے ایک جامع آپریشن ہے جس کے تحت دہشت گردوں کے خلاف بلا رنگ و نسل و بلا امتیاز کارروائیاں کی جا رہی ہیں،فورسز اور عوام کی کارروائیاں رائیگاں نہیں جائیں گی۔جارحانہ عزائم کو قوم کے ساتھ مل کر شکست دیں گے۔
اجلاس کے دوران دہشت گردوں کے خلاف آپریشن پر پولیس اور دیگر سیکوررٹی ایجنسیز کی کارکردگی کی تعریف بھی کی گئی ۔کانفرنس میں مجموعی علاقائی اور داخلی صورت حال کا جائزہ لیا گیا اور پاک فوج کی پیشہ وارانہ صلاحیتوں پر مکمل اعتماد کا اظہار کیا گیا۔کور کمانڈرز اجلاس میں بتایا گیا کہ دشمن ایجنسیز سی پیک منصوبے کو سبوتاژ کرنے کی کوششیں کر رہی ہیں۔کور کمانڈرز اجلاس میں فوجی عدالتوں کے معاملات پر بھی بات چیت کی گئی ،شرکا نے فوجی عدالتوں کی کارکردگی پر اظہار اطمینان کیا گیا۔
مزید برآں لاہور میں ہونے والے پی ایس ایل فائنل پر سیکورٹی اداروں کو خراج تحسین پیش کیا گیا۔اجلاس میں پاک افغان بارڈر اور کنٹرول لائن کی صورت حال کا جائزہ لیا گیا۔دہشت گردوں کے خلاف آپریشنز میں پاک بحریہ اور فضائیہ کی کارکردگی کو بھی خراج تحسین پیش کیا گیا۔
آرمی چیف نے شرکا کو گزشتہ دنوں حکومتی ارکان کے ساتھ افغان بارڈر کی سہولت کے حوالے سے کی جانے والی میٹنگ کے حوالے سے آگاہ کیا، انہوں نے شرکا کو اپنے حالیہ دورہ قطر کے بارے میں بھی بریفنگ دی۔ اجلاس کے دوران مردم شماری کے معاملات کا بھی جائزہ لیا گیا، اس موقع پر آرمی چیف کا کہنا تھا کہ مردم شماری کو قومی خدمت کے جذبے کے تحت دیکھا جائے۔
ایمزٹی وی(اسپورٹس)شاہ رخ کی طرف سے پشاور زلمی اور کولکتہ نائٹ رائیڈرز کے درمیان سیریز کی پیشکش کیے جانے کے بعد ان کی ٹیم کولکتہ نائٹ رائیڈرز بھی میدان میں آگئی اور کہاہے کہ کے کے آر کوئی بھی غیر غیرمتعلقہ گیم یا لیگ نہیں کھیلنے جارہی جیسا کہ کچھ بے بنیاد خبروں میں دعویٰ کیا جارہاہے ، ہماری طرف سے ایسی کوئی بات نہیں کی گئی۔
اپنے ٹوئیٹر پیغام میں کے کے آر کاکہناتھاکہ ہم پشاور زلمی کیساتھ کھیلنے میں دلچسپی نہیں رکھتے ۔
KKR won't be playing any unauthorized games/leagues as some false reports are claiming.
— KolkataKnightRiders (@KKRiders) March 9, 2017
No such communication happened from our end.
یادرہے کہ اس سے قبل نجی چینل نے کہا تھا کہ شاہ رخ خان نے پاکستان سپر لیگ میں فتخ حاحل کرنے والی پشاور زلمی کے مالک جاوید آفریدی کو مبارکباد دیتے ہوئے تجویز پیش کی ہے کہ پشاور زلمی اور کولکتہ نائٹ رائیڈرز کے درمیان نیوٹرل مقام پر سیریز کرا ئی جائے۔شاہ رخ خان نے کہا کہ دونوں حکومتیں رضامند ہو جائیں تو سیریز دبئی یا لندن میں کراسکتے ہیں اور ایک بار یہ سلسلہ شروع ہو گیا تو دونوں ممالک کے درمیان انٹرنیشنل لیول پر بھی کرکٹ کی راہ ہموار ہو گی، تفصیلات کیلئے یہاں کلک کریں۔
یہاں یہ امر بھی قابل ذکر ہے کہ پچھلی خبر کی بھی پشاور زلمی کے مالک جاوید آفریدی نے تصدیق کی تھی اور اب بھی وہ اپنے بیان پر قائم ہیں۔
ایمزٹی وی(اسپورٹس)پی ایس ایل میں پشاور زلمی کرکٹ ٹیم کے مالک جاوید آفریدی نے ٹوئٹر پر پیغام جاری کرتے ہوئے کہا کہ کولکتہ نائٹ رائیڈرز کے درمیان میچ کی خبروں میں کوئی صداقت نہیں ہے،کرکٹ امن کیلئے راستہ ہموار کرتی ہے۔ قبل ازیں نجی ٹی وی چینلز نے جاوید آفریدی کے حوالے سے خبردی تھی کہ جاوید آفریدی نے کہا ہے کہ ’’میچ کرانے کی اپنی بات پر قائم ہوں‘‘۔ تاہم اب جاوید آفریدی نے ٹوئٹر پر پیغام جاری کرتے ہوئے تمام افواہوں کو ختم کردیا ہے اور میچ کرانے کی خبر وں کی تردیدکردی ہے۔
تفصیلات کے مطابق پشاور زلمی کی پی ایس ایل میں جیت کے بعد بالی ووڈ سٹار شاہ رخ خان کی طرف سے پشاور زلمی کے مالک جاوید آفریدی نے دعویٰ کیا تھا کہ شاہ رخ نے انہیں مبارکباد دی اور کولکتہ اور پشاور زلمی کے نیوٹرل مقام پر میچ کرانے کی تجویز بھی دی گئی تھی جبکہ کولکتہ نائٹ رائیڈرز کے سی ای او نے کہا ہے کہ دونوں ٹیموں کے مابین کوئی سیریز نہیں ہورہی ہے اور اس بات میں کوئی صداقت نہیں ہے۔
We always welcome cricket for peace ,but there is no truth about @KKRiders & @PeshawarZalmi matches just speculations.Verily respect for ?
— Javed Afridi (@JAfridi10) March 9, 2017
ایمزٹی وی(ٹوبہ ٹیک سنگھ)پاک فوج کے آپریشن ردالفساد کے تحت سی ٹی ڈی نے جماعت الاحرار کے دو خطرناک دہشتگردوں کو گرفتار کرلیاہے۔
تفصیلات کے مطابق انسداد دہشتگردی ڈیپارٹمنٹ نے ٹوبہ ٹیک سنگھ کو بڑی تباہی سے بچاتے ہوئے کامیاب کارروائی کرتے ہوئے کالعدم تنظیم جماعت الاحرار کے 2 دہشتگردوں کوکمپوٹرپارٹس میں چھپائے گئےدو کلو دھماکہ خیز مواد کو برآمد کرلیا ہے۔
گرفتار کیے گئے دہشتگرد سمیع اللہ کا تعلق گوجرانوالہ اور شہزاد کا تعلق رحیم یار خان سے ہے۔
ایمزٹی وی(اسلام آباد)پارلیمنٹ ہاؤس میں اسپیکر قومی اسمبلی سردار ایاز صادق کی زیر صدارت فوجی عدالتوں کے معاملے پر پارلیمانی رہنماؤں کا اجلاس ہوا۔
اجلاس میں فوجی عدالتوں کے لیے پیپلز پارٹی کی 9 نکاتی تجاویز پرغور ہوا، اجلاس کے دوران پیپلز پارٹی نے صرف دو تجاویز پر ہی اتفاق کیا، پیپلز پارٹی 2 سال کے لئے فوجی عدالتوں کی توسیع پر رضا مند ہوگئی ہے جب کہ فوجی عدالتوں میں سیشن جج بٹھانے کی تجویز سے بھی دستبردار ہوگئی ہے۔ ذرائع کے مطابق اجلاس میں عدالتوں کی بحالی سے متعلق بل کل قومی اسمبلی میں پیش کرنے کا فیصلہ بھی کیا گیا۔
دوسری جانب اے این پی کے رہنما الیاس بلور نے دعویٰ کیا ہے کہ آج کا اجلاس بے نتیجہ ختم ہوا کیوں کہ سیاسی جماعتوں میں اب تک کنفیوژن موجود ہے۔ پی ٹی آئی کے وائس چیرمین شاہ محمود قریشی نے کہا کہ پیپلزپارٹی نے اپنی بعض تجاوز واپس لے لی ہیں اور نئے آئینی مسودے پر اتفاق ہو گیا ہے تاہم اب اگر گڑ بڑہوئی تو ن لیگ اور پیپلز پارٹی کریں گے۔ حکومت نے پیش کردہ قانون شہادت 1984 اور اپیل کرنے کا حق دینے کا پیپلزپارٹی کا مطالبہ تسلیم کرلیا ہے۔
اجلاس میں وزیرخزانہ اسحاق ڈار، پیپلزپارٹی کے اعتزاز احسن، فاروق ایچ نائک، پی ٹی آئی کے شاہ محمود قریشی، شیریں مزاری، جماعت اسلامی کے صاحبزادہ طارق اللہ، پاکستان عوامی لیگ کے سربراہ شیخ رشید، ایم کیو ایم کے فاروق ستار، اے این پی کے غلام احمد بلور، الیاس بلور، وفاقی وزیر زاہد حامد، عثمان خان ترکئی اور اکرم خان درانی، حاصل بزنجو، مشاہد حسین، اعظم سواتی ، حاجی شاہ جی گل آفریدی شریک ہوئے۔