ایمز ٹی وی (تعلیم /اسلام آباد) وفاقی دارالحکومت کے ماڈل سیٹ اپ کے کالجز میں تعینات پرنسپل صاحبان ،کالج اکیڈمک اسٹاف ایسوسی ایشن(کاسا) کے سامنے بے بس۔

زبردستی بائیکاٹ کرانے کے خلاف وفاقی نظامت تعلیمات سے مدد مانگ لی، دوسری جانب وزارت کیڈ نے تعلیمی اداروں کو زبردستی بند کرانے والے کاسا ورکرز کی لسٹیں طلب کرتے ہوئے سخت ایکشن کا عندیہ دیے دیا ۔

نام نہاد تنظیم کاسا نے زبردستی کلاسز کا بائیکاٹ کر ایا ۔ذرائع کا کہنا کہ گزشتہ روز سیکرٹری کیڈنرگس گھلو کے حکم پر ڈائریکٹرجنرل وفاقی نظامت تعلیمات نے چند اداروں میں احتجاج کا نوٹس لیتے ہوئے تمام اداروں کے سربراہان کی ہنگامی میٹنگ کی ۔

جس میں احتجاج کرنے والے تمام اساتذہ کی فہرستیں طلب کی گئی ہیں ، ذرا ئع کے مطابق گزشتہ ایک ہفتے سے چار سے پانچ کالجز میں تدریسی سرگرمیاں متاثر ہورہی ہیں۔

ایمزٹی وی(اسلام آباد)سپریم کورٹ میں بیرسٹر ظفراللہ خان کی جانب سے پاناما لیکس کی تحقیقات کے لئے کمیشن بنانے کے خلاف درخواست دائرکرائی گئی۔ درخواست میں موقف اختیارکیا گیا ہے کہ چیف جسٹس کمیشن بنانے کی حکومتی درخواست پہلے ہی رد کرچکی ہے، چیف جسٹس نے حکومت کو معاملے کی تحقیقات کے لئے قانون سازی کی تجویز دی تھی، انکوائری کمیشن بل 2016 پارلیمنٹ میں زیر التواء ہے تو ایسے میں عدالت پارلیمنٹ کے اختیار میں مداخلت کیسے کر سکتی ہے۔

درخواست گزارکی جانب سے موقف اختیار کیا گیا کہ پارلیمنٹ تمام اداروں کی ماں ہے اور عدالتیں بھی پارلیمنٹ کے قوانین پر عمل درآمد کی پابند ہیں، عدالت معاملہ کی تحقیقات کے لیے ٹی او آرز بنانے کی مجاز نہیں۔ بیرسٹر ظفر اللہ نے کہا کہ کسی سیاسی خاندان کا تنازع عدالت کا اختیار سماعت نہیں ہے جب کہ کوئی بھی مخالف اس طرح عدلیہ کو سیاسی انتقام کے لیے استعمال کر سکتا ہے۔

ایمزٹی وی(کوئٹہ)جھل مگسی میں دو متحارب قبائل کے درمیان تصادم کے نتیجے میں چھ افراد ہلاک اور دو شدید زخمی ہوگئے۔

تفصیلات کے مطابق جھل مگسی کے علاقے گاجان میں لاشاری قبائل کے دوگروپوں کے درمیان ہونے والی لڑائی خونی معرکے میں بدل گئی جس کے نتیجے میں دو اطراف سے چھ افراد جانوں سے ہاتھ دھو بیٹھے ۔
اطلاع ملتے ہی انتظامیہ موقع پر پہنچ گئی، کئی مورچی خالی کرالئے گئے، سترہ افراد کو گرفتار بھی کرلیا گیا ۔لیویز ذرائع کے مطابق مسلح تصادم میں مرنے والوں کی لاشیں ورثا کے حوالے کردیں گئی ہیں جبکہ مزید گرفتاریوں کے لئے مختلف مقامات پر چھاپے مارے جارہے ہیں ۔

ایمز ٹی وی (تعلیم/کراچی) بینظیر بھٹو یونیورسٹی لیاری کی طالبات نے سیپ سرٹیفکیٹ کورس میں نمایاں پوزیشن حاصل کرلی۔
تفصیلات کے مطابق سی آئی بی اے کنسلٹنگ پاکستان کے زیر اہتمام پاکستان کی تاریخ میں پہلی بارسیپ سرٹیفکیٹ کورس کے امتحانات کا انعقاد کیا گیا۔
جس میں ملک بھر سے کل 77امیدوار شریک ہوئے جن میں 64بینظیر بھٹو یونیورسٹی لیاری کے طلباء تھے۔
44طلباء نے کامیابی حاصل کی جس میں بینظیر بھٹو یونیورسٹی لیاری کی طالبات نے سیپ موڈیول فنانس میں نور بانو نے 99فیصد،

سیپ موڈیول ایچ سی ایم میں رقیہ نے 99فیصد

اور سیپ موڈیول فنانس میں مہوش ریاض نے 95فیصد نمبر حاصل کر کے ریکارڈقائم کیا ۔
واضح رہے کہ بینظیر بھٹو یونیورسٹی لیاری کو یہ اعزاز بھی حاصل ہے کہ اس یونیورسٹی نے پاکستان میں سب سے پہلے سیپ سرٹیفکیٹ کورس کا انعقاد کیا تھا۔

۔

ایمز ٹی وی(اسلام آباد)الیکشن کمیشن نے کراچی میں قومی اسمبلی کے حلقہ 258کے امیدواروں کی حتمی فہرست جاری کردی ۔
فہرست میں مسلم لیگ نواز کا کوئی بھی امیدوار شامل نہیں ہے ۔یہ نشست ن لیگ کے حکیم بلوچ کے استعفیٰ سے خالی ہوئی تھی ۔ حلقے میں انتخابات 22نومبر کو ہونے جا رہے ہیں جہاں مسلم لیگ نواز کے علاوہ دیگر جماعتوں کے 17امیدوار مد مقابل ہونگے ۔
ذرائع کا کہنا ہے کہ مولانا تاج محمد حنفی سمیت 10آزاد امیدوار بھی مقابلے کیلئے تیار ہیں جبکہ پیپلز پارٹی ، ایم کیو ایم ، پاکستان تحریک انصاف کے مابین کانٹے کے مقابلے کی توقع کی جا رہی ہے ۔
یاد رہے کراچی میں مسلم لیگ نواز کے واحد ایم این اے عبدالحکیم بلوچ نے رکنیت سے استعفیٰ دیکر پیپلز پارٹی میں شمولیت اختیار کر لی تھی جس کے بعد یہ نشست خالی ہوئی تھی

ایمزٹی وی(پشاور)پشاور کے نواحی علاقے میں پولیس اور سیکیورٹی فورسز نے مشترکہ آپریشن کے دوران اشتہاری سمیت کئی افراد کو گرفتار کر لیا ۔

ذرائع کے مطابق پشاور کے نواحی علاقے خزانہ میں پولیس اور سیکیورٹی فورسز نے رات گئے مشترکہ آپریشن کر کے اشتہاری سمیت 31افراد کو حراست میں لے لیا جن کے قبضے سے بڑی تعداد میں اسلحہ بھی برآمد ہوا ہے۔

پولیس حکام کا کہنا ہے کہ سرچ آپریشن کے دوران ملزمان کے قبضے سے 3مشین گن ، 4رائفلیں ، 9پستول اور سینکڑوں گولیاں ملی ہیں جبکہ ملزمان سے تفتیش جاری ہے ۔ اس کے علاوہ کرایہ داری ایکٹ کے تحت کوائف مکمل نہ ہونے پر 5افراد کو بھی حراست میں لیا گیا ہے ۔