ایمزٹی وی(تعلیم)لیاقت میڈیکل یونیورسٹی اسٹاف ویلفیئر اسوسی ایشن (لسوا) کی جانب سے 13ویں روز بھی لمس یونیورسٹی میں احتجاجی ریلی نکالی گئی اور ایڈمنسٹریشن بلاک پر دھرنا دیا گیا۔دھرنے سے خطاب کرتے ہوئے یونین کے رہنماﺅں سکندر علی جونیجو، مینھون خان سولنگی، بابر رﺅف قریشی و دیگر کا کہنا تھا کہ لمس یونیورسٹی کے ملازمین کے مسائل جن میں ملازمین کو لیو اِن کیشمنٹ دینے ، ہاﺅسنگ سوسائٹی دینے، ڈی پی سی اور اپ گریڈ یشن کے آرڈردینے ، ملازمین کے بچوں کے لئے انگلش پبلک اسکول کے قیام ، ہیلتھ انشورنس دینے، ملازمین کی حج پالیسی بحال کرنے ملازمین کو لون دینے ، لمس میں ہونے والی ٹیسٹ فری کرنے ، ملازمین کی رہائشی کالونی کی مرمت کرنے سمیت دیگر مسائل حل کئے جائیں۔

ایمزٹی وی(اسلام آباد) عدالت عظمیٰ نے فوجی عدالتوں سے سزائے موت کے سزا یافتہ افراد كی درخواستوں پر سماعت کل تك ملتوی كرتے ہوئے 5 ملزمان كی اپیلوں پر فیصلہ محفوظ كرلیا جب كہ 5 كی سزائے موت پر عمل درآمد روكتے ہوئے كیسز كا ریكارڈ طلب كرلیا ہے۔ چیف جسٹس انور ظہیر جمالی كی سربراہی میں 5 ركنی لارجر بینچ نے سزائے موت كے ملزمان حیدر علی، ظاہر گل، عتیق الرحمٰن، تاج محمد عرف رضوان اور فیض زمان خان كی اپیلوں كی سماعت مكمل ہونے پر فیصلہ محفوظ كرلیا جب كہ قاری زبیر،ج میل الرحمٰن، اسلم خان،ن اصر خان اور تاج گل كی ٹرائل كا ریكارڈ طلب كرتے ہوئے ان كی سزاؤں پر عمل درآمد روك دیا۔ عدالت نے ان پانچوں ملزمان كے مقدمات میں اٹارنی جنرل افس كو نوٹس جاری كركے جواب طلب كیا اور سماعت آئندہ پیر تك ملتوی كردی جب كہ ملزمان جاوید غوری، الف خان اور دیگر كے مقدمات پر کل صبح سماعت ہوگی۔ اس حوالے سے چیف جسٹس کا کہنا تھا کہ اگر صرف اعتراضات كو دیكھا جائے تو پھر ہر چیز متنازعہ ہوجائے گی یہ بھی اعتراض كیا جاسكتا ہے كہ ایف آئی آر درج نہیں ہوئی جب كہ حقیقت یہ ہے كہ ملٹری كورٹس میں مقدمات كے اندراج اور ٹرائل كا طریقہ كار عام فوجداری مقدمات سے مخلتف ہے، اگر سرحدی علاقے میں فوج كا دہشت گردوں سے تصادم ہو جس كے نتیجے میں كچھ دہشت گرد گرفتار ہوجائیں تو ان كے خلاف غیر جانبدار عینی گواہ پیش نہیں كیے جاسكتے بلكہ فوج كے وہی اہلكاران كے خلاف گواہ ہوں گے جن كے ساتھ ان كا تصادم ہوا اور جنہوں نے ان كو گرفتار كیا۔ عدالت نے مقدمے کی سماعت کل تک ملتوی کردی۔

ایمزٹی وی (بلوچستان)کوئٹہ سے کراچی جانے والی مسافر بس لسبیلہ کے علاقے بیلہ میں ٹرک سے ٹکرا گئی جس کے نتیجے میں 5 افراد جاں بحق جبکہ 14 زخمی ہوگئے ۔ ریسکیو ٹیموں نے زخمیوں کو اوتھل ہسپتال منتقل کر دیا گیا جہاں ان کا علاج جاری ہے ۔ ہسپتال ذرائع کا کہنا ہے کہ زخمیوں کی حالت خطرے سے باہر ہے

ایمزٹی وی(خیبرپختونخواہ)طورخم بارڈر پر افغان فورسز نے دوسرے روز بھی بلااشتعال فائرنگ کی ، دو روز میں پانچ اہلکاروں سمیت 13 افراد زخمی ہو گئے ۔ آئی ایس پی آر کا کہنا ہے افغان فورسز دہشتگردوں کی نقل و حرکت کیخلاف تعمیر کئے جانے والے گیٹ کو نشانہ بنا رہی ہیں ۔ دہشتگردوں کو روکنے کیلئے طورخم بارڈر پر گیٹ لگانے پر افغانستان آپے سے باہر سرحد پر دوسرے روز بھی افغان فورسز کی بلااشتعال فائرنگ اور پاک فوج کی بھرپور جوابی کارروائی ، ڈی جی آئی ایس پی آر کا کہنا ہے افغان سیکورٹی فورسز زیر تعمیر گیٹ پر فائرنگ کر رہی ہیں ۔ دہشتگردوں کی نقل و حرکت چیک کرنے کیلئے یہ گیٹ پاکستانی علاقے میں بارڈر سے 37 میٹر اندر تعمیر کیا جا رہا ہے ۔ پاکستان نے واقعہ پر افغانستان سے شدید احتجاج کیا ہے افغان ناظم الامور کو وزارت خارجہ طلب کرکے کہا گیا کہ افغان حکومت معاملے کی مکمل تحقیقات کر کے آگاہ کرے ۔ ترجمان دفتر خارجہ کا کہنا ہے افغانستان کو مستقبل میں ایسے واقعات سے باز رہنے کی وارننگ بھی دی گئی ۔ افغان ناظم الامور پر واضح کیا گیا ۔ طورخم پر پاکستانی اقدامات سرحدوں پر دہشتگردی خلاف انتظامات موثر بنانے کی کارروائیوں کا حصہ ہیں ۔ سرحد پر کشیدگی کے بعد طورخم اور لنڈی کوتل میں کرفیو نافذ ہے ، کئی دیہات بھی خالی کرالئے گئے ہیں ۔

ایمزٹی وی (بلوچستان)کوئٹہ ، ائیر پورٹ روڈ پر پولیس اور حساس اداروں کی کارروائی کے دوران فائرنگ کے تبادلے میں 5 دہشت گرد ہلاک ہو گئے. پولیس اور خفیہ اداروں کو اطلاع ملی تھی کہ چشمہ اچوزئی میں دہشت گردوں کا ٹھکانہ ہے جس پر حساس اداروں اور پولیس کی مشترکہ ٹیمیں علاقے میں پہنچیں جنہیں دیکھ کر دہشت گردوں نے فائرنگ کر دی ۔ جوابی فائرنگ میں کالعدم تنظیم کے 5 دہشت گرد موقع پر ہلاک ہو گئے ۔ دہشت گردوں کے ٹھکانے سے 7 دستی بم ، 15 کلو گرام دھماکہ خیز مواد ، 2 دیسی ساختہ بم ، 3 کلاشنکوف ، 2 پسٹل اور مختلف راؤنڈز بھی ملے۔ دہشت گردوں میں ایک گورنمنٹ سائنس کالج کا طالب علم نکلا ، اس کے قبضے سے عبدالخالق کے نام کا کارڈ برآمد ہوا ۔ سرچ آپریشن کے بعد علاقے کو کلیئر قرار دے دیا گیا ۔ وزیر اعلیٰ بلوچستان نواب ثناء اللہ زہری اور صوبائی وزیر داخلہ میر سرفراز بگٹی نے پولیس اور سکیورٹی اداروں کی کامیاب کارروائی پر انہیں مبارکباد دی اور کہا ہے کہ صوبے کو دہشت گردی سے پاک کر کے دم لیں گے ، آخری دہشت گرد کے خاتمے تک ان کا پیچھا کریں گے ۔

ایمزٹی وی(خیبرپختونخواہ)خیبرپختونخوا کانئے مالی سال کا بجٹ آج پیش کیاجائے گا۔ بجٹ کا حجم چارکھرب پچانوے ارب روپے سے زائد ہونے کا امکان ہے ۔ جبکہ بجٹ میں تعلیم اور صحت کےلئےفنڈزبڑھانےکی تجاویزدی جائیں گی۔

ایمزٹی وی(پشاور)پشاور کے علاقہ چارسدہ روڈ کے مختلف دیہات کے مکینوں کا غیراعلانیہ لوڈشیڈنگ کے خلاف سڑکوں پر نکل آئے اور چارسدہ روڈ کو پا نچ گھنٹےتک ٹریفک کے لئے بند رکھا۔ تفصیلات کےمطابق بیس گھنٹے کی طویل لوڈشیڈنگ سے تنگ پشاور گاؤں ناساپہ، ناگمان، ہریانا اور خزانہ کے مکینوں کاصبر کا پیمانہ لبریز ہوگیا۔ مظاہرین کا کہنا تھا کہ سحری اور تراویح اندھیرے میں ادا کرنا پڑتی ہیں گرمی میں پانی کی بھی قلت پیدا ہوگئی ہے مظاہرین کا کہنا تھا کہ وہ بل ادا کرتے ہیں لیکن پھربھی ان پر لوڈ شیڈنگ کا ظلم ڈھایا جارہا ہے۔ مظاہرے کے باعث چارسدہ روڈ شاہ عالم پل سے یریانا گاؤں تک پانچ گھنٹے تک ٹریفک کے لئے بند رہا پیسکو افسروں نے مظاہرین کو مسئلے کے حل کی یقین دہانی کرائی تو مظاہرین کا غصہ بھی ٹھنڈا ہوا۔

ایمزٹی وی(آزادکشمیر)نیوسٹی اسلام گڑھ میں پارٹی کارکنوں سے خطاب کرتے ہوئےوزیر اعظم آزادکشمیر چوہدری عبدالمجید نے کہاکہ مخالفین کو اندازہ ہو گیا پیپلز پارٹی دوبارہ حکومت بنانے جا رہی ہے ،مخالفین کی سازشیں اور گٹھ جوڑہمارا راستہ نہیں روک سکتے ، اقتدار پرستوں کے عزائم ناکام اور تمام ارمان ادھورے رہیں گے ،عوام نے وفاقی وزراء کی منفی سیاست کو مسترد کر دیا ،انھوں نے آزادکشمیر کو گلگت بلتستان سمجھ لیا تھا ، وفاقی وزراء کے ہوائی اعلانات پیپلز پارٹی کا راستہ نہیں روک سکتے وزیر اعظم نے کہا کہ پیپلز پارٹی عقیدے اور نظیر یہ کی سیاست کر رہی ہے ، ہارس ٹریڈنگ کی سیاست پر لعنت بھیجتے ہیں،دریں اثنا ء چکسواری میں افطارپارٹی سے خطاب کرتے ہوئے انہوں نے کہا کہ عوام کے حقوق پر کبھی کمپرو مائز نہیں کیا ،کسی کی غیر قانونی بات مانوں گا نہ کوئی ڈکٹیشن قبول کروں گا، سیاسی سوداگروں نے میرے خلاف جو گٹھ جوڑ بنا رکھے ہیں عوام کی طاقت سے ریت کے ان بتوں کو ریزہ ریزہ کر دیں گے ،جب تک زندہ ہوں عوام کی خدمت کرتا رہوں گا ہماری موجودگی میں کوئی مائی کا لعل عوامی حقوق پر شب خون نہیں مار سکتا ۔ اس موقع پر سابق ایڈ منسٹریٹر ضلع کونسل چوہدری مشتاق احمد ، سابق چیئر مین چوہدری سوار خان ، سابق ایڈ منسٹریٹر چوہدری خالد حسین ، پیپلز پارٹی کے مرکزی رہنما ندیم روپیال ، سابق ممبر ضلع کونسل چوہدری ناظم حسن اور دیگر بھی موجود تھے

ایمزٹی وی (بھمبھر)ڈپٹی اپوزیشن لیڈر چوہدری طارق فاروق نے کہا ہے کہ2016کا الیکشن جیت کر آزاد کشمیر میں مسلم لیگ نون حکومت بنائے گی سیاست غریب لوگوں کے حقوق اور بھمبر کی ڈویلپمنٹ کے لئے کرتا ہوں اگر میں سیاست میں نہ ہوتا تو میرا مخالف اور اس کے حواری پورے بھمبر کو ہڑپ کر جاتے ان خیالات کا اظہار انہوں نے یوسف منزل میں سٹی یوتھ کے رہنمائوں اور کارکنوں کی میٹنگ سے خطاب کرتے ہوئے کی۔ اس حوالے سے طارق فاروق کا مزیدکہنا تھا کہ دوسروں پر کرپشن کا الزام لگانے والے اپنے گریبان میں جھانکیں عوام کے حقوق پر ڈاکہ ڈالنے کی اجازت نہیں دیں گے ۔

ایمزٹی وی(تعلیم) حیات پتافی گرلز پرائمری اسکول میں قائم پولیس چوکی ختم کرا دی گئی ، اہلکاروں نے چوکی سے اپنا سامان بھی اٹھالیا ۔ پولیس چوکی کی وجہ سے تین سال سے طالبات گھروں تک محدود تھیں ۔ ذرائع کےمطاق صوبائی وزیر داخلہ سندھ سہیل انور سیال نے فوری طورپر پولیس چوکی ختم کرنے کا حکم دیا اور رپورٹ طلب کی ۔ وزیر داخلہ کے ایکشن کے بعد پولیس چوکی تو ختم ہوگئی ۔ اب گھوٹکی کے اسکول میں علم کی شمع روشن ہوگی ۔