لاہور: آسٹریلیا کیخلاف پہلے ٹیسٹ سے قبل فاسٹ بالرحارث رؤف کوروناکاشکارہوگئے۔
آسٹریلیا کیخلاف پہلے ٹیسٹ سے قبل پاکستان ٹیم اہم فاسٹ بولر حارث رؤف سے محروم ہوگئی۔ حارث رؤف کا کورونا ٹیسٹ مثبت آگیا،
ان کا راولپنڈی بائیو سیکیور ببل شفٹ ہونے پر رپیڈ اینٹی جن کوویڈ ٹیسٹ کیا گیا، قومی ٹیسٹ اسکواڈ کے بقیہ کھلاڑیوں کی کوویڈ رپورٹس منفی آئی ہیں۔
قومی اسکواڈ کے تمام کھلاڑیوں کا دوبارہ کوویڈ ٹیسٹ ہوٹل پہنچنے کے بعد کیا گیا، حارث رؤف کا کوویڈ رپیڈ اینٹی جن ٹیسٹ آج صبح کیا گیا تھا۔
ترجمان میڈیا کا کہنا ہے کہ حارث رؤف کو آئسولیٹ کردیا گیا ہے، قرنطینہ کے بعد منفی ٹیسٹ آنے پر ان ان کو دوبارہ زیر غور لایا جائے گا۔
یاد رہے کہ گزشتہ روز حارث روف سمیت لاہور قلندرز ٹیم ارکان نے کوویڈ کے شکار ہیڈکوچ عاقب جاوید کو ٹرافی پیش کی تھی۔
اسلام آباد: پاکستان اورآسٹریلیاسیریزکےلئےٹرافی کی رونمائی پنڈی کرکٹ اسٹیڈیم میں ہوئی
ٹرافی کودونوں ممالک کے کرکٹ لیجنڈز کی مناسبت سے ’بینوقادرٹرافی‘ کا نام دیا گیا ہے۔
پاکستان کرکٹ ٹیم کے کپتان بابراعظم اورآسٹریلیوی ٹیسٹ ٹیم کے کپتان پیٹ کمنز نے ٹرافی کی رونمائی کی اورٹرافی کے ساتھ تصاویربنوائیں۔
پاکستان کرکٹ بورڈ(پی سی بی) اورکرکٹ آسٹریلیا کی جانب سے مشترکہ طورپرمتعارف کرائی گئی ٹرافی کودونوں ملکوں کے لیجنڈ لیگ اسپنرز عبدالقادر اوررچی بینوسے منسوب کیا گیا ہے جس کا مقصد آسٹریلیا کے 24 سال بعد دورہ پاکستان کا جشن منانا ہے۔
مستقبل میں بھی دونوں ٹیموں کے درمیان ہر ٹیسٹ سیریز کے اختتام پرفاتح سائیڈ کو اسی ٹائٹل کی ٹرافی دی جائے گی۔تین میچز پرمشتمل ٹیسٹ سیریز کا پہلا میچ 4 سے 8 مارچ تک راولپنڈی میں کھیلا جائے گا۔
پاکستان کے مشہورلیگ اسپنرعبدالقادر نے آسٹریلیا کیخلاف 11 ٹیسٹ میچز میں 45 وکٹیں حاصل کی تھیں۔ اس دوران انہوں نے سال 1982 اور 1988 میں کھیلے گئے دو تین ٹیسٹ میچزکی سیریز میں 33 وکٹیں حاصل کی تھیں۔
کراچی بینوکی قیادت میں آسٹریلیا نے1959 پاکستان کا پہلا مکمل دورہ کیا تھا۔مہمان ٹیم نے یہ سیریز 2-0 سے جیتی تھی۔
کراچی: جامعہ کراچی شعبہ تعلیم کے زیر اہتمام سیمینارونمائش 03 مارچ کو ہوگی ۔
شعبہ تعلیم کے زیر اہتمام ایک روزہ سیمینار ونمائش بعنوان: ”سوشل ایکشن پروجیکٹ“ بروز جمعرات 03 مارچ2022 ء کو صبح 10:00 تادوپہر 2:00 بجے شعبہ کلیہ فنون وسماجی علوم جامعہ کراچی میں منعقد ہوگی۔پروگرام ڈائریکٹر ڈاکٹر معروف بن رؤف کے مطابق مذکورہ سیمینار ونمائش کا مقصد طلبہ میں انٹرپرینیورشپ کے رجحان میں اضافہ کرنا ہے تاکہ وہ ملازمت کے حصول کے کوشاں رہنے والوں میں شامل ہونے کے بجائے ملازمت دینے والوں میں شامل ہوسکیں۔
اگرچہ آج پاکستان میں نوجوانوں کی ایک بڑی تعداد پاکستان کے مستقبل کے لیے ایک اچھی علامت ہے، لیکن ان کی ضروریات کو پورا کرنے میں ان کے روایتی ملازمت کے ادارے اور طریقے بری طرح ناکام ہو چکے ہیں۔ نوجوانوں کی ایک بڑی تعداد اعلیٰ تعلیم حاصل کرنے کے بعد بھی سرکاری اور نجی ذریعہ معاش کے حصول میں ناکام ہو جاتی ہے۔ڈاکٹر معروف نے مزید کہا کہ اس صورت حال میں، ان کو اپنے، اپنے خاندانوں اور ان جیسے بہت سے لوگوں کے لیے روزگار کے ذریعہ کے طور پر انٹرپرینیورشپ کے ذریعے ایک باوقار ملازمت حاصل کرنے کے قابل بنانا بہت ضروری ہے۔
کراچی: جامعہ کراچی کی قائم مقام وائس چانسلرناصرہ خاتون کومقررکردیا گیاہے۔
عدالتی احکامات پر جامعہ کراچی کے قائم مقام وائس چانسلر پروفیسر ڈاکٹر خالد عراقی کو عہدے سے ہٹاکر ناصرہ خاتون کو قائم مقام وائس چانسلر مقرر کردیا گیا۔
حکومت سندھ نے عدالتی احکامات پر جامعہ کراچی کے قائم مقام وائس چانسلر پروفیسر ڈاکٹر خالد عراقی کو عہدے سےہٹادیا ہے اور ان کی جگہ یونیورسٹی کی سینیئر ترین پروفیسر اور ڈین سائنس ناصرہ خاتون کو قائم مقام وائس چانسلر مقرر کردیا ہے۔
ناصرہ خاتون کی تقرری تاحکم ثانی کی گئی ہے۔ سیکریٹری یونیورسٹیز اینڈ بورڈز مرید راہیمو کی جانب سے اس سلسلے میں نوٹیفیکیشن جاری کردیا گیا ہے۔
کراچی: کراچی میں قائم مدرسہ غزالی کو یونیورسٹی کاچارٹردینےکی تیاری شروع کردی گئی۔
ذرائع کے مطابق گلشن معمار میں وسیع و عریض رقبے پر قائم مدرسے کو الغزالی یونیورسٹی کے نام سے چارٹر دینے کے لیے چارٹر انسپیکشن اینڈ ایویلیو ایشن کمیٹی نے ہفتے کے روز اس کا دورہ بھی کیا جس کے بعد اب چارٹر انسپیکشن اینڈ ایویلیو ایشن کمیٹی اپنی رپورٹ سندھ اعلی تعلیمی کمیشن میں منظوری کے لیے پیش کرے گی اور چارٹر کمیٹی کی سفارش اور لاء ڈپارٹمنٹ کی جانب سے یونیورسٹی کے مجوزہ ایکٹ کو منظوری کے لیے سندھ کابینہ میں پیش کیا جائے گا اور ایکٹ کی حتمی منظوری سندھ اسمبلی دے گی۔
چارٹر انسپیکشن اینڈ ایویلیو ایشن کمیٹی کے سربراہ ڈاکٹر طارق رفیع کے قریبی ذرائع کے مطابق ابتدائی طور پر یونیورسٹی کو چار کلیہ جات (فیکلٹی آف اسلامک اسٹڈیز ، فیکلٹی آف سوشل سائنسز، فیکلٹی آف ایجوکیشن اور فیکلٹی آف لا) کے لیے چارٹر دینے کی سفارش کی جائے گی جس میں بی بی اے، ایم بی اے، بی ایڈ، ایم ایڈ اور ایل ایل بی کی تعلیم دی جائے گی۔
یونیورسٹی کی فیکلٹی میں اس وقت 18 پی ایچ ڈیز کو شامل کیا گیا ہے جبکہ لائبریری میں 4 ہزار سےزائد کتابیں رکھی گئی ہیں جبکہ شعبہ جاتی سطح پر سیمینار لائبریری اس کے علاوہ ہیں یونیورسٹی کے چانسلر مفتی عبد الرحیم جبکہ وائس چانسلر ڈاکٹر ندیم حنیف اور رجسٹرار احسن وقار ہوں گے۔
کراچی: جامعہ کراچی سے الحاق ملنے کے بعد گورنمنٹ کامرس کالج مارننگ نے طلباء وطالبات کیلئے مشترکہ بی بی اے اور بی ایس کامرس میں داخلوں کا اعلان کردیا ہے ۔
دونوں پروگرام میں داخلے اوپن میرٹ پر ٹیسٹ کی بنیاد پر کئے جائیں گے۔ داخلہ ٹیسٹ انگریزی ، حساب اور معلومات عامہ سے لیا جائے گا ۔ داخلہ فارم حاصل اور جمع کروانے کی آخری تاریخ 5مارچ ہے جبکہ ٹیسٹ منعقدکرانے کی تاریخ 12مارچ ہےاور میرٹ لسٹ میں کامیاب امیدواروں کے ناموں کا اجراء 15 مارچ کو کیا جائے گا ۔
کالج انتظامیہ کے مطابق بی بی اے میں 50سیٹس اور بی ایس کامرس میں 50 محدود اسیٹس پر یہ ایڈمیشن کیئے جارہے ہیں۔ اس طرح پورے صوبے میں پہلی مرتبہ کسی سرکاری کالج کو یہ اعزاز حاصل ہورہاہے ۔
وفاقی اردو یونیورسٹی برائے سائنس اینڈ ٹیکنالوجی نےجامعہ کل بند کرنےکااعلان کیاہے۔
جاری کردہ اعلامیہ کے مطابق جامعہ اردو کراچی اسلام آباد کیمپس میں شبِ معراج کے حوالے سے عام تعطیل رہیں گی۔
سان فرانسسکو: گوگل نے واٹس ایپ کو ٹف ٹائم دینے کے لیے پرانی ایپ ہینگ آؤٹ کو اپ گریڈ کر کے گوگل چیٹ پر منتقل کرنے کا اعلان کردیا۔
بین الاقوامی میڈیا رپورٹ کے مطابق گوگل کی جانب سے اعلان کیا گیا ہے کہ گوگل ورک اسپیس صارفین کے لیے ہینگ آؤٹس کو گوگل چیٹ پر 22 مارچ تک منتقل کردیا جائے گا۔
کمپنی نے صارفین کو مشورہ دیا کہ وہ سیٹنگز کے آپشن میں جاکر گوگل چیٹ کو منتخب کرلیں، جس کے بعد انہیں جی میل کے استعمال کے ساتھ چیٹ کی سہولت بھی دستیاب ہوگی۔
اس کے علاوہ گوگل کا کہنا تھا کہ ہے صارفین ہینگ آؤٹس کی ویب سائٹ Hangouts.google.com کے ذریعے بھی چیٹ کرسکتے ہیں۔
کمپنی کے مطابق ڈومین اپ گریڈ ہونے کے بعد جن موبائل فونز میں ہینگ آؤٹس ایپلی کیشن موجود ہے انہیں اپ ڈیٹ بھیجی جائے گی جبکہ باقی صارفین کو ای میل کے ذریعے نئی سروس سے متعلق آگاہ کیا جائے گا۔
ٹیکنالوجی ماہرین نے بتایا کہ گوگل نے ہینگ آؤٹ کو جدید انداز سے پیش کیا جائے گا، جہاں چیٹ کے ساتھ سرچ باکس اور جی میل سرچ بھی نظر آئے گا جبکہ اسے موبائل فون کے علاوہ ویب ورژن یا براؤزر پر بھی استعمال کیا جاسکے گا۔
لاہور : پنجاب کے3تعلیمی بورڈ کےتحت پنجاب پولیس میں بھرتی کےلئےتحریری امتحانات کاشیڈول جاری کردیا گیا ہے۔
انٹرمیڈیٹ بورڈ کے مطابق پنجاب پولیس میں لیڈی کانسٹیبل ،پنجاب ہائی وے پیڑول ،اسپیشل پروٹیکشن یونٹ ٹیلی کمیونیکشن پنجاب وائرلیس آپریڑ اور موٹ ٹرانسپورٹ پنجاب کی بھرتی کےلیے فزیکل ٹیسٹ پاس کرنے والے امیدواران کا تحریری امتحان13 مارچ2022کو بورڈ آفس انٹرمیڈیٹ اینڈ سیکنڈری ایجوکیشن،لاہور ،گجرانوالہ اور بہاولپور کے زیر اہتمام کیا جائے گا ۔
شیڈول کے مطابق سرگودھا ،ساہیوال ، اور لاہور ڈویژن کے امیدواران کے امتحان لاہور ، ڈیرہ غازی خان ،ملتان اور بہاولپور ڈویژن کے امیدواران کے بہاولپور ،راولپنڈی ،فیصل آباد اور گوجرانوالہ ڈویژن کے امیدواران کے امتحان گوجرانوالہ میں ہونگے
لاہور: پاکستان سپر لیگ 7 کے کمنٹری پینل نے ٹیم آف ٹورنامنٹ کاانتخاب کرلیاجس کاکپتان وکٹ کیپر بیٹرمحمدرضوان کومقررکیاگیاہے۔
پلیئر آف پی ایس ایل 7 کا ایوارڈ جیتنے والے محمد رضوان ملتان سلطانز کے ان چار کھلاڑیوں میں شامل ہیں جنہیں ٹیم آف ایچ بی ایل پی ایس ایل 7 کا حصہ بنایا گیا ہے۔
ان کے علاوہ رائیلی روسو، ٹم ڈیوڈ اور خوشدل شاہ کو بھی ٹیم آف پی ایس ایل 7 میں شامل کیا گیا ہے۔
ٹورنامنٹ کی چیمپئن ٹیم لاہور قلندرز کے بھی چار کھلاڑیوں کو ٹیم آف ٹورنامنٹ کا حصہ بنایا گیا ہے، ان میں شاہین آفریدی، زمان خان، فخر زمان اور راشد خان بھی شامل ہیں جب کہ پشاور زلمی کے شعیب ملک، اسلام آباد یونائیٹڈ کے شاداب خان اور کوئٹہ گلیڈی ایٹرز کےنسیم شاہ بھی پی ایس ایل کا حصہ ہیں۔