ایمزٹی وی(اسپورٹس)اسپیشل اولمپکس ورلڈ گیمز میں پاکستان نے مزید 3 طلائی تمغے جیت لیے، توصیف الحسن نے 10 کلو میٹرسائیکلنگ ریس میں ہدف کو حاصل کرنے کے لیے صرف 22 منٹ کا وقت صرف کیا، ٹیبل ٹینس میں عارف قیوم اور انوار الحسن نے میدان مارا، ملک کو ابتدائی گولڈ میڈل جیتنے والے عاصم زار نے ایک چاندی کا تمغہ بھی اپنے نام کرلیا، ایتھلیٹکس کے100 میٹر ایونٹ میں سائرہ اکرام نے بھی دوسری پوزیشن حاصل کی۔تفصیلات کے مطابق اسپیشل کھلاڑیوں کے عالمی مقابلے امریکی شہر لاس اینجلس میں جاری ہیں ، ایونٹ میں دنیا بھر سے آئے ہوئے خصوصی پلیئرز صلاحیتوں کے بھرپور جوہر دکھا رہے ہیں، پاکستانی کھلاڑیوں کا جوش وجذبہ دن بدن بڑھتا ہی جارہا ہے اور وہ ہر آنے والے دن پہلے سے بہتر پرفارمنس دے رہے ہیں، آئندہ دو روز بھی انھوں نے کئی مقابلوں میں شرکت کرنی ہے۔ پاکستانی دستے کے ہمراہ آئے ہوئے آفیشلز کھلاڑیوں سے بھی زیادہ پرجوش ہیں جس طرح وہ کھلاڑیوں کا خیال رکھ رہے ہیں وہ اپنی مثال آپ ہے۔توصیف الحسن نے سائیکلنگ مقابلوں میں سونے کا تمغہ جیت کر پاکستانی مہم کو مزیدتقویت بخشی۔ انھوں نے لانگ بیچ پر سائیکلنگ کس سے قبل ٹیبل ٹینس میں پاکستان کے عارف قیوم نے سنگلز اور انوار الحسن نے ڈبلز میں پاکستان کو سونے کے تمغوں کا حقدار ٹھہرایا۔ مقابلوں کے ساتویں روز دو پاکستانی کھلاڑیوں نے دو چاندی کے تمغے بھی جیتے ان میں ایتھلیٹکس کے سو میٹر ایونٹ میں سائرہ اکرام نے مقررہ فاصلہ 18 سیکنڈ میں طے کر کے دوسری پوزیشن حاصل کی جبکہ پاکستان کیلیے پہلا سونے کا تمغہ جیتنے والے عاصم زار نے ایک سلورمیڈل بھی اپنے نام کیا، انہوں نے پچاس میٹر سوئمنگ ایونٹ میں دوسری پوزیشن حاصل کی، انھوں نے مقررہ فاصلہ 58 سیکنڈ میں طے کیا۔ باسکٹ بال کے ایک میچ میں پاکستان نے پولینڈ کو ہرا دیا تاہم فٹبال میںا سکواڈ برانز میڈل کے لیے ایکشن میں دکھائی دے گا ، اسکواڈ فائنل کے لیے کوالیفائی کرنے سے محروم رہ گیا۔ دوسری طرف ٹینس کی میڈلز تقریب میں سابق امریکی ٹینس اسٹار پیٹ سمپراس نے اسپیشل پلیئرز کو میڈلز پہنائے، اس موقع پر انھوں نے پلیئرزکی بھرپور حوصلہ افزائی کی۔ے 10کلو میٹر ایونٹ میں مقررہ فاصلہ 22 منٹ میں طے کر کے گولڈ میڈل جیتا۔
ایمزٹی وی(اسپورٹس) سری لنکا سے وطن واپسی پر قومی کرکٹرز کو والہانہ استقبال کیاگیا، انور علی، سرفراز احمد اور پیسر ضیا الحق اتوار کو کراچی پہنچ گئے، ایئرپورٹ پر عوام نے کرکٹ ہیروز کا شاندار استقبال کیا، ان پر پھولوں کی پتیاں نچھاور کی گئیں۔ اس موقع پر میڈیا سے بات چیت کرتے ہوئے دوسرے ٹوئنٹی 20 میں جارحانہ بیٹنگ کی بدولت پاکستان کو فتح سے ہمکنار کرانیوالے انور علی نے اپنی کارکردگی کو قوم کے نام کرتے ہوئے کہا ہے کہ میں نے مشکل صورتحال میں دباؤ نہ لیتے ہوئے اپنا جارحانہ انداز اختیار کیا، اس فتح پر ملنے والی پذیرائی پر اللہ کا شکر گزار ہوں، پاکستان کے لیے کھیلنا اولین ترجیح ہے، ان کھلاڑیوں کا استقبال کرنے والوں میں ندیم عمر، اعظم خان و دیگر بھی شامل تھے، انور علی نے کہا کہ پاکستان کو فتح سے ہمکنار کرانے پر دلی خوشی ہے، آئندہ بھی اس کا تسلسل برقرار رکھنے کی کوشش کروں گا،کوچ وقار یونس نے مجھے اسی حکمت کے ساتھ کامیابی کا ٹارگٹ دیا، میں نے کریز پر پہنچ کرجیت کو ذہن میں رکھا اور17 گیندوں پر 46 رنزبٹور کراپنا مشن پورا کیا۔
ایمزٹی وی (ایجوکیشن) نوبل انعام یافتہ پاکستانی طالبہ ملالہ یوسفزئی نے کہا ہے کہ بچوں کی تعلیم کے لئے مزید سرمایہ کاری کی ضرورت ہے، مستقبل کو محفوظ بنانے کیلیے اسلحہ خریدنے کے بجائے تعلیم کے شعبے میں سرمایہ کاری کی جائے۔زرائع کےمطابق اپنے ایک انٹر ویو میں ملالہ یوسفزئی کا کہنا تھا کہ وزیراعظم نواز شریف نے بچوں کی تعلیم کے لئے مزید اقدام اٹھانے کی یقین دہانی کرائی ہے، سب جانتے ہیں کہ ملک کا بڑا سرمایہ اسلحے کی خریداری پر خرچ ہوتا ہے۔ ان کا کہنا تھا کہ اگر ہم نے اپنے بچوں کا مستقبل محفوظ بنانا ہے تو تعلیم پر سرمایہ کاری کرنا ہو گی۔
ایمزٹی وی(ایجوکیشن)سندھ حکومت اورپرائیوٹ اسکول ایسوسیشن کےدرمیان لفظی جنگ محاز آرائی کےبعدحتمٰی فیصلہ آگیاکہ کراچی کےتمام پرائیوٹ اسکولز 3اگست کےبجائے11اگست کوکھولےجائیں گے۔تفصیلات کے مطابق سندھ حکومت نے سندھ میں حالیہ بارشوں اور سیلاب کی صورتحال کےپیش نظر موسم گرماکی تعطیلات میں اضافہ کااعلان کردیاتھا لیکن پرائیوٹ ایسوسیشن نےاس فیصلےکو مسترد کرتےہوئے3اگست کوہی اسکول کھولنےکافیصلہ کیاتھاگس کے بعد سندھ حکومت نےاسکول کھولنے والوں کے خلاف کاروائی کا فیصلہ سنایا جس کےبعد پرائیوٹ اسکولز کو گھٹنے ٹیکنے پڑے اور پرائیوٹ اسکولز 11 اگست کوکھولنے کا اعلان کردیا۔
ایمز ٹی وی(کراچی) وزیر اعلیٰ سندھ سید قائم علی شاہ نے 3 اگست بروز پیر سے کراچی سمیت سندھ کے تمام سرکاری اور نجی اسکول کھلنے کی محکمہ تعلیم کی تجویز مسترد کردی۔ وزیر اعلیٰ سندھ سید قائم علی شاہ نے 3 اگست بروز پیر کو سیلاب اور بارشوں سے متاثر نہ ہونے والے علاقوں بشمول کراچی کے اسکول کھلنے کی محکمہ تعلیم کی تجویز کو مسترد کرتے ہوئے واضح کیا ہے کہ صوبے بھر میں یونیفارم پالیسی ہوگی اور تمام نجی و سرکاری اسکول 11 اگست کو ہی کھولے جائیں گے
ایمز ٹی وی (کراچی)ایچ ای سی کے تین افرادجن میں ڈاکٹر مختار (چئیرمین ایچ ای سی )،منصور کنڈی (ایگزیکٹو ڈائریکٹرایچ ای سی ) اور کامران ارشد پولیس لے کر آئے اور یونیورسٹی کی ملازمت سے نکالے جانے والے افراد کو یونیورسٹی کا انچارج بنا دیا اور سب دیکھتے رہے۔اس بات کا انکشاف وفاقی اردو یونیورسٹی برائے سائنس و ٹیکنالوجی سے وائس چانسلر پروفیسر ڈاکٹر ظفر اقبال نے ایمز ٹی وی کے پروگرام میں انٹرویو کے دوران کیا۔ان کا کہنا تھا کہ اگر کوئی شخص سرکاری نوکری سے کارِ سرکار میں مداخلت کی بنیاد پر نوکری سے نکال دیا جائے تو وہ تا حیات کسی سرکاری نوکری کا اہل نہیں رہتا لیکن اس کے باوجودوفاقی اردو یونیورسٹی اسلام آبادکے ایک حصہ پر ایسے افراد جو اخلاقی جرائم میں ملوث ہونے کی بناءپر ملازمت سے فارغ کردیے گئے انہیں وہاں حاکم بنا کر بٹھا دیا گیااور اس غُنڈہ گردی میں HEC کھُلے عام ملوث ہے۔ایک سوال کے جواب میں انکا کہنا تھا کہ کوئی نہ کوئی مصلحت یا ایسی بات ضرور ہے جس کی وجہ سے سب خاموش ہیں،ہم نے متعدد بار حاکم اعلیٰ اور چانسلر صاحب کو لکھا ہے کہ یہ کھُلی غُنڈا گردی ہوئی ہے لیکن کوئی ایکشن لینے کے لیے تیار نہیں ہے۔حکومتِ وقت کو اس طرف توجہ دینی چاہیے کہ اسلام آباد میں ان کی ناک کے نیچے کس طرح کی لاقانونیت ہورہی ہے اور حکومت سے وابستہ کون کون سے لوگ اس کی پشت پناہی کر رہے ہیں ۔انہوں نے مزید کہا کہ یہ سب اس لیے کیا جارہا ہے کہ اردو کے نام پر بنی اس یونیورسٹی کو جلد ہی ایک ناکام تجربہ قرار دے کر ختم کردیا جائے کیونکہ یہ واحد یونیورسٹی ہے جو اردو کی ترویج کے لیے اور قومی زبان کو فروغ دینے کے لیے بنائی گئی ہے۔
