ایمز ٹی وی (اسپورٹس) بھارت نے  ویسٹ ایشیا بیس بال کپ میں شرکت کی حامی بھرلی، ایونٹ 23 فروری سے اسلام آباد میں شروع ہوگا، ایران، عراق اور افغانستان کی ٹیمیں بھی پاکستان آئیں گی،

تفصیلات کے مطابق بیس بال فیڈریشن آف ایشیا اور پاکستانی فیڈریشن کے زیراہتمام اسلام آباد میں23 فروری سے شروع ہونے والے ویسٹ ایشیا ایونٹ کے پاکستان سے منتقل ہونے کے خدشات مکمل طور پر چھٹ چکے ہیں، پشاور میں آرمی سکول پر دہشت گردوں کے حملے کے بعد ایشین باڈی اور شریک ملکوں کے حکام سیکیورٹی کے حوالے سے کافی پریشان تھے اور انھوں نے حکومتی سطح پر کھلاڑیوں کیلیے حفاظتی انتظامات کی ضمانت مانگی تھی، وزارت بین الصوبائی رابطہ اور اسپورٹس بورڈ کی جانب سے غیر ملکی آفیشلز کو ٹورنامنٹ ہر لحاظ سے کامیاب بنانے کی یقین دہانی کرائی گی۔

ٹورنامنٹ میں شرکت کیلیے ایران، عراق اور افغانستان نے پہلے ہی رضامندی ظاہر کردی تھی، اب پڑوسی ملک بھارت نے بھی حامی بھر لی ہے کہ اس کے کھلاڑی اور آفیشلز پاکستان آنے کیلیے تیار ہیں۔وزارت بین الصوبائی رابطہ کے ذرائع سے معلوم ہواہے کہ بھارتی بیس بال فیڈریشن کے حکام نے یقین دلایا ہے بھارتی  ٹیم  اسلام آباد میں شیڈول انٹرنیشنل ایونٹ  میں شرکت کریگی اس حوالے سے حکومتی سطح پر بھی اجازت مل چکی ہے۔

پاکستان اسپورٹس بورڈ کے آفیشلز کا کہنا ہے کہ پاکستان اسپورٹس بورڈ ایونٹ میں شرکت کرنے والی ٹیموں کے آفیشلز سے رابطے میں ہے اور انھیں ہر طرح کے تعاون کی مکمل یقین دہانی کرائی جارہی ہے ۔ ویسٹ ایشیا بیس بال کپ کے حوالے سے 16 فروری کو جنرل کونسل مٹینگ کاانعقادکیا جائے گا۔ ایونٹ کی افتتاحی تقریب میں وزیراعظم نوازشریف کومدعوکیا جائیگا۔

ایمز ٹی وی (اسپورٹس) قومی ٹیم کے ہیڈ کوچ وقار یونس کا کہنا ہے کہ پاکستان ایک بار پھر ورلڈ کپ 92 کی تاریخ دہرا سکتا ہے۔

پاکستان نے اپنے دوسرے وارم اپ میچ میں انگلینڈ کے خلاف 4 وکٹ سے کامیابی حاصل کی، جس میں مصباح الحق نے اہم کردارادا کیا، جس وقت وہ کریز پر آئے تب 78 پر4 وکٹیں گرچکی تھیں مگر انھوں نے ماسٹر کلاس 91 رنز ناٹ آؤٹ اسکور کرکے ٹیم کو کامیابی سے ہمکنار کیا۔ اس شاندار کارکردگی پر کوچ وقار یونس بھی پھرسے ان کے گن گانے لگے، انھوں نے کہا کہ مصباح نہ صرف صورتحال اور اسکور بورڈ کو اچھی طرح سمجھتے اور اسی کو مدنظر رکھتے ہوئے کھیلتے بلکہ بطور کپتان ذمہ داری نبھانا بھی جانتے ہیں، جب آغاز میں ہی وکٹیں گرجائیں تو پھر مصباح کے پاس کافی وقت ہوتا ہے، وہ بگ ہٹر بھی ہیں۔

عمر اکمل کے بارے میں وقار یونس نے کہا کہ ہم سب جانتے ہیں کہ وہ کافی باصلاحیت اور ٹیم میں گذشتہ پانچ چھ برس سے موجود ہیں۔ کبھی ہم ان سے وکٹ کیپر کی بھی ذمہ داری لیتے اور کبھی صرف بیٹسمین کے طور پر کھلاتے ہیں، یہ ان کے لیے مشکل ضرور ہے لیکن وہ کافی اچھی فارم میں ہیں، ہمیں اس ٹورنامنٹ کیلیے ایسی ہی پارٹنرشپس کی ضرورت ہے۔ وقار یونس نے مزید کہا کہ جو کچھ 1992 میں ہوا وہ اب بھی ہوسکتا ہے، یہ اس کھیل کی خوبصورتی ہے، اس میں کئی اتار چڑھاؤ آتے ہیں اور میں سمجھتا ہوں کہ کوئی بھی یہ ایونٹ جیت سکتا ہے۔

ایمز ٹی وی (اسلام آباد) سندھ اسمبلی میں وزارت خارجہ کی جانب سے دیئے گئے تحریری بیان میں کہا گیا ہے کہ 2010 سے 2014 کے درمیان قانونی کاروائیوں میں خیبر پختون خواہ میں 304 ، سندھ میں 226 بلوچستان میں جبکہ پنجاب میں 46 دہشت گرد مارے گئے اس کے علاوہ گزرشتہ برس کشمیر میں 4 دہشت گرد ہلاک ہوئے ہیں جنکا مجموعی اوسط 683 ہے

ایمز ٹی وی (ایجوکیشن) پاکستانی نوجوانوں نے جہاں گزشتہ برس 2014ء میں جہاں اپنے کارناموں اور اعزازات سے دنیا میں پاکستان کا نام روشن کیا وہیں 2015ء کے آغاز کےساتھ ہی پاکستانی نوجوان اپنی صلاحیتوں کے باعث دنیا میں نام کما رہے ہیں۔ 28 سالہ پاکستانی نوجوان فضا فرحان کو امریکہ کے مشہور بزنس میگزین 'فوربز' کی نوجوانوں کی فہرست برائے 2015ء کیلئے چنا گیا ہے۔

فوربز میگزین کیلئے ہر سال دنیا بھر سے بہترین صلاحیتوں والے نوجوانوں کا انتخاب کیا جاتا ہے۔ 2015ء کے لئے دنیا بھر کے ممالک سے منتخب کئے گئے 30 نوجوانوں میں پاکستانی نوجوان فضا فرحان بھی شامل ہیں۔ فضا پاکستان کے دیہاتی علاقوں کے لئے بجلی و توانائی پہنچانے کے طریقوں کو ممکن بنانے کی ٹریننگ دینے کے پراجیکٹ 'بخش فاونڈیشن' نامی ایک غیر سرکاری ادارے سے وابسطہ ہیں۔

ذرائع کے مطابق، بخش فاونڈیشن کی چیف ایگزیکٹیو فضا کے ادارے کی جانب سے اب تک 135 خواتین کو ٹریننگ دی جا چکی ہیں، جس سے دیہاتوں میں قائم 6000 سے زائد گھروں کو شمسی توانائی سے بجلی کی فراہمی ممکن بنائی گئی۔28 سالہ نوجوان فضا نے ایم ایس سی اور لاہور کی 'لمس یونیورسٹی سے سائنس اکنامکس میں بیچلر کی ڈگری اور لندن کے واروک بزنس اسکول سے مینجمنٹ میں ماسٹرز کی ڈگری حاصل کر رکھی ہے، جبکہ کاروباری شعبے کے حوالے سے بین الاقوامی سطح پر منعقدہ سرگرمیوں اور کانفرنسوں میں شرکت بھی کرچکی ہیں۔

سنہ2014 میں فضا فرحان کو اٹلی اور پاکستان کے درمیان تجارتی تعلقات کو فروغ دینے پر چیئرپرسن کا اعزاز دیا گیا۔ گزشتہ برس فوربزمیگزین کی نوجوانوں کی فہرست میں ملالہ یوسفزئی کے تعلیم کے لئے مختص 'ملالہ فنڈ‘ کے ادارے کی چیئرپرسن شیزا شاہد کا نام شامل کیا گیا تھا۔