ایمز ٹی وی(فارن ڈیسک)عراق کے دارالحکومت بغداد میں حکام کے مطابق اہل تشیع کی ایک مسجد پر ہونے والے خودکش حملے میں کم از کم 15 سے زائد افراد ہلاک ہو گئے ہیں۔عراق میں حالیہ دنوں اس نوعیت واقعات میں درجنوں افراد ہلاک ہو چکے ہیں اور ان حملوں کا الزام آئی ایس یعنی شدت پسند تنظیم دولتِ اسلامیہ پر عائد کیا جاتا ہے۔

دولت اسلامیہ نے عراق اور شام کے ایک بڑے علاقے پر قبضہ کر رکھا ہے اور اس وقت اس کے جنگجو شام کے دفاعی اہمیت کے حامل شہر کوبانی کا کنٹرول حاصل کرنے کی کوشش کر رہے ہیں جہاں انھیں کرد جنگجوؤں کی مزاحمت کا سامنا ہے۔گذشتہ ہفتے کے اختتام پر کوبانی کا دفاع کرنے والے کرد جنگجوؤں نے شدت پسنوں کو شہر کے دو حصوں کے علاوہ تمام علاقوں سے نکال دینے کا دعویٰ کیا تھا۔اس وقت امریکہ کی قیادت میں کوبانی میں دولت اسلامیہ کے شدت پسندوں کو فضائی حملوں میں بھی نشانہ بنایا جا رہا ہے -

ایمز ٹی وی(فارن ڈیسک)شام کے اہم شہر کوبانی میں امریکی جنگی طیاروں نے دولت اسلامیہ کے خلاف لڑنے والے کرد جنگجوؤں کے لیے اسلحہ، گولے بارود اور طبی سازو سامان گرایا ہے-اس سے قبل امریکی فضائی حملوں نے دولت اسلامیہ کے جنگجوؤں کو ترکی کی سرحد سے ملحق کوبانی شہر پر کنٹرول حاصل کرنے سے باز رکھا تھا۔دولت اسلامیہ نے شام اور عراق کے بڑے خطے پر کنٹرول حاصل کر رکھا ہے اور کوبانی پر کنٹرول حاصل کرنا ان کی عسکری حکمت عملی کا حصہ ہے-امریکہ کی سنٹرل کمانڈر نے ایک بیان میں کہا ہے کہ ’عراق میں کرد حکام کی جانب سے دیے جانے والے سازوسامان کو طیارے سے گرایا گیا ہے تاکہ دولت اسلامیہ کے خلاف کرد جنگجوؤں کی مزاحمت کو تقویت پہنچائی جا سکے۔انھوں نے مزید کہا کہوبانی میں امریکی فضائیہ نے ابھی تک 135 بار سے زیادہ فضائی حملے کیے ہیں۔

ایمز ٹی وی (کراچی) محرم الحرام کے دوران سیکیورٹی انتظامات اور دیگر مد میں سندھ پولیس نے حکومت سے 20 کروڑ روپے کے فنڈز مانگ لیے ہیں، سندھ پولیس کی جانب سے محکمہ داخلہ سندھ کو خط لکھا گیا ہے جس میں سندھ پولیس کی جانب سے 20 کروڑ روپے فراہم کرنے کی درخواست کی گئی ہے۔ خط کے متن کے مطابق 20 کروڑ روپے کا فنڈ سیکیورٹی انتظامات پرخرچ کیا جائے گاجبکہ فیول کی مد میں 10 کروڑ اور فوڈ کیلئے 5 کروڑ روپے درکار ہیں۔ خط کے مطابق سندھ پولیس میں بھرتیوں کیلئے 2 کروڑ 50 لاکھ روپے کی ضرورت ہے جب کہ سندھ پولیس کی گاڑیوں کی مرمت کیلئے ایک کروڑ روپے درکار ہیں، دیگر اخراجات کی مد میں ایک کروڑ 50 لاکھ روپے کی ضرورت ہے۔

ایمز ٹی وی (کراچی) سندھ اسمبلی کے اجلاس سے قبل میڈیا سے گفتگو میں ایم کیو ایم کے رہنما فیصل سبزواری کا کہنا ہے کہ سیاست میں انتہاپسندی نہیں ہونی چاہیے۔ پیپلزپارٹی کو سیاسی طاقت دکھانی ہے تو لیاری میں جا کر دکھائے،بلدیاتی انتخابات سے متعلق فیصل سبزواری کا کہنا تھا کہ جب بلدیاتی ادارے تھے تو کراچی میں کام ہوا ہے، بلدیاتی اداروں سے اختیارات نچلی سطح پر منتقل ہوئے تھے، پی پی کے کوٹہ سسٹم نے سندھ کو دیہی اور شہری علاقوں میں تقسیم کیا ہے ۔ فیصل سبزواری کا کہنا تھا کہ ہم نے احتیاط سے بات کی، لیڈر شپ پر بات اٹھانے پر مزید سخت بات کر سکتے تھے، کراچی کے مسائل کے حل کیلئے سندھ حکومت میں شامل ہوئے، سندھ کے شہری علاقوں میں کام نہیں ہو رہا، پیپلزپارٹی کو سیاسی طاقت دکھانی ہے تو لیاری میں جا کر دکھائے، ان کا مزیدکہنا تھا کہ ایم کیوایم کارکنوں کی اپنے قائد سے وابستگی ہے، بدتہذیبی ہوگی تو کارکنوں کا غصہ سامنے آئے گا، ہمارے قائد کیلئے بدتہذیبی سے بات کی گئی۔ ہم نے سخت بیان نہیں دیا، لیڈر شپ پر بات اٹھانے پر سخت بات بھی کر سکتے تھے۔