دبئی : انٹرنیشنل کرکٹ کونسل نے ون ڈے پلیئرز کی رینکنگ جاری کردی۔
آئی سی سی رینکنگ کے مطابق ون ڈے بیٹرز کی فہرست میں بابر اعظم پہلے نمبر پر براجمان ہیں جب کہ فخر زمان نیوزی لینڈ کے خلاف دوسرے ون ڈے کے بعد 3 درجے ترقی کرکے دوسرے نمبر پر آگئے ہیں، اس سے قبل فخر زمان 10 ویں نمبر پر تھے۔
رینکنگ میں امام الحق 2 درجے تنزلی کے بعد پانچویں، وکٹ کیپر بیٹسمین محمد رضوان 3 درجے بہتری کے ساتھ 58 ویں نمبر پر آگئے ہیں۔ون ڈے بولرز رینکنگ
ون ڈےبولرز کی رینکنگ میں آسٹریلیا کےجوش ہیزل ووڈ کا پہلا نمبر برقرار ہے جب کہ بھارتی فاسٹ بولر محمد سراج دوسرے، آسٹریلیا کے مچل اسٹارک ایک درجےترقی کےبعد تیسرے نمبر پرآگئے ہیں۔
ون ڈےبولرز کی رینکنگ میں کیوی بولر ڈیرل مچل 31 درجےترقی کے بعد 51 ویں، شاہین آفریدی دو درجے تنزلی کےبعد دسویں، شاداب خان چار درجے تنزلی کے ساتھ 39 ویں، فاسٹ بولر حارث رؤف 10 درجے ترقی کے ساتھ 51 ویں اور فاسٹ بولر نسیم شاہ 12 درجے ترقی کے بعد 73 ویں نمبر پر آگئے ہیں۔ ون ڈےآل راؤنڈرز میں بنگلادیش کے شکیب الحسن کا پہلا نمبر برقرار ہے۔
پشاور: اسلام آباد سمیت خیبر پختون خوا کےمختلف شہروں میں زلزلے کے جھٹکے محسوس کئے گئے۔
پشاور ، سوات، مینگورہ شہر اور گردونواح سمیت کئی علاقوں میں زلزلے کے جھٹکے محسوس کئے گئے جس سے شہریوں میں خوف و ہراس پھیل گیا۔
شہری خوفزدہ ہوکر کلمہ طیبہ کا ورد کرتے ہوئے گھروں اوردفاتر سے باہر نکل آئے۔
زلزلہ پیما مرکز کے مطابق زلزلے کی شدت 5.7 اور گہرائی 187 کلومیٹر تھی جبکہ اس کا مرکز کوہ ہندوکش کا پہاڑی سلسلہ بتایا جاتا ہے۔
کراچی: ثانوی تعلیمی بورڈکراچی نے نہم و دہم کے سالانہ امتحانی فارم، انرولمنٹ، فارم اور رجسٹریشن فارم جمع کا آخری موقع فراہم کردیا۔
ثانوی تعلیمی بورڈکراچی کے چیئرمین سید شرف علی شاہ نے اسکول سربراہان،طلباء و طالبات اور ان کے والدین کو سہولت فراہم کرنے کی غرض سے جماعت نہم و دہم کے سالانہ امتحانی فارم، انرولمنٹ، فارم اور رجسٹریشن فارم جمع کا آخری موقع فراہم کیا ہے۔
انہوں نے بورڈ سے الحاق شدہ اسکولوں اور طلباء وطالبات سے کہا ہے کہ وہ اپنے امتحانی فارم لیٹ فیس 3500روپے کے ساتھ 4مئی 2023ء کو لازمی جمع کرادیں۔
انہوں نے واضح کہا کہ لیٹ فیس کی کٹوتی میں کسی بھی قسم کی رعایت نہیں دی جائے گی اور دی گئی تاریخ ختم ہونے کے بعد کسی بھی قسم کا امتحانی فارم جمع نہیں کیا جائے گا۔
کراچی: تعلیمی بورڈ کراچی کے چیئرمین سید شرف علی شاہ کی خصوصی ہدایت پر ناظم امتحانات حبیب اللہ سہاگ نے تمام بورڈ سے الحاق شدہ گورنمنٹ اور پرائیویٹ اسکولوں کو سالانہ امتحانات سال 2023ء جماعت دہم سائنس وجنرل گروپ ریگولر و پرائیویٹ کے ایڈمٹ کارڈ آن لائن جاری کرنے کا اعلان کر دیا ہے۔
انہوں نے کہا کہ اسکول سربراہان بورڈکی آفیشل ویب پورٹ online.bsek.edu.pk سے ایڈمٹ کارڈ کارڈ ڈاؤن لوڈ کر سکتے ہیں۔ناظم امتحانات نے واضح ہدایت دی ہے کہ بورڈ آفس کی طرف سے قائم کئے جانے والے صرف امتحانی مراکز کے اسکول اپنا امتحانی سامان وصول کرنے کے بعد اپنے امیدواروں کے ایڈمٹ کارڈ متعلقہ سیکشن سے ہی حاصل کرسکتے ہیں۔
انہوں نے اسکول سربراہان کو کہا ہے کہ کسی بھی قسم کی مشکلات کے پیش آنے کی باعث بورڈ آفس کے گراؤنڈ فلور کمرہ نمبر 24 میں آصف علی موبائل نمبر 03452067858 سے رابطہ کریں۔اسکول سربراہان اپنے اسکول کوڈ سے ویب پورٹل کو Login کر سکتے ہیں۔
کراچی: پاکستان اور نیوزی لینڈ کے درمیان ون ڈے سیریزکاتیسرا میچ آج کھیلا جائے گا۔
پاکستان اور نیوزی لینڈ کے درمیان پانچ میچز کی سیریز میں قومی ٹیم کو 0-2 کی برتری حاصل ہے۔سیریز کا تیسرا میچ پاکستانی وقت کے مطابق دوپہر ساڑھے 3 بجے شروع ہوگا۔
اگر قومی ٹیم ہوم گراؤنڈ پر کیویز کو 5 میچز کی سیریز میں وائٹ واش کرتی ہے تو آئی سی سی رینکنگ میں ٹاپ پوزیشن پر قابض ہوجائے گی تاہم اگر کامیابی کا تناسب 1-4 رہا تو پاکستان تیسری پوزیشن پر آسکتا ہے۔
دوسری جانب میچ کے دوران سیکیورٹی کو مد نظر رکھتے ہوئے نیشنل اسٹیڈیم جانے والی تمام سڑکیں بند کی جائیں گی جبکہ اسٹیڈیم کی سیکیورٹی رینجرز اہلکاروں کے سپرد کی گئی ہے اور سیکیورٹی کے پیش نظر شائقین کو کسی بھی قسم کا آتش گیرمادہ، سگریٹ، لائٹر اور سیاسی پرچم ساتھ لے جانے کی اجازت نہیں۔
حیدرآباد: حید رآباد بورڈ کے تحت انٹرمیڈیٹ کے سالانہ امتحانات برائے2023 کاآغاز 30مئی سے ہوگا۔
تفصیلات کے مطابق حیدرآباد انٹرمیڈیٹ بورڈ اینڈ سیکنڈری ایجوکیشن کے تحت گیارہویں و بارہویں جماعت کےتمام گروپس کے امتحانات 30مئی سے دو شفٹوں میںہونگے۔
پہلی شفٹ کا پرچہ صبح9:30 سے12:30 بجے تک اور سیکنڈ شفٹ کا پرچہ سہہ پہر2:30 سے شام 5:30 بجے تک ہونگے۔
اسلام آباد: ہائر ایجوکیشن کمیشن (ایچ ای سی) پاکستان کی کوالٹی ایشورنس ایجنسی کے ماہرین کی ایک کمیٹی نے ادارہ جاتی کارکردگی کے جائزے (IPE) اور پوسٹ گریجویٹ پروگرامز ریویو (PGPR) کیلئے جناح سندھ میڈیکل یونیورسٹی کا 3 روزہ دورہ کیا ۔
استقبال جناح سندھ میڈیکل یونیورسٹی کے وائس چانسلر پروفیسر امجد سراج میمن، رجسٹرار ڈاکٹر اعظم خان، ڈائریکٹر کوالٹی انہانسمنٹ سیل ڈاکٹر عبدالواحد عثمانی نے کیا۔ ایچ ای سی ماہرین کی ٹیم میں پروفیسر ڈاکٹر ساجدہ ذکی بطور بیرونی جائزہ کار اور کنوینر آئی پی ای، ڈاکٹر حنا حسین کاظمی بطور بیرونی جائزہ کار اور کنوینر PGPR، سلیم الدین بیرونی جائزہ کار IPE اور عنبرین آصف قریشی بطور بیرونی جائزہ کار PGPR شامل تھیں جبکہ ایسوسی ایٹ ریویورز میں وقار الحسن، ونگ کمانڈر جمیلہ سید، عاطف شہاب بٹ، ماریہ اسد اور ام ایمن شامل تھیں۔
ماہرین کی ٹیم نے یونیورسٹی کے تمام محکموں اور انتظامی شعبوں کا دورہ کیا اور وہاں کی قیادت، فیکلٹی اور طلباء سے ملاقات کی تاکہ ان کی بہبود اور مسائل کے بارے میں معلومات لے سکے۔ وائس چانسلر پروفیسر امجد سراج میمن نے مذکورہ دورے کی اہمیت کو اجاگر کرتے ہوئے کہا کہ انٹرنل پرفارمنس ایویلیوایشن اور پوسٹ گریجویٹ پروگرام ریویو ایک اہم عمل ہے جو جناح سندھ میڈیکل یونیورسٹی میں پوسٹ گریجویٹ میڈیکل ایجوکیشن کے معیار کو یقینی بنانے میں معاون ثابت ہوتا ہے، اس طرح کے دوروں سے جامعہ میں جاری پروگرام کی کامیابی اور متوقع بہتری کی نشاندہی ہوتی ہے۔
یہ دورے فیکلٹی کی بہبود اور انکے تاثرات سے آگاہی کے مواقع بھی فراہم کرتے ہیں، جو پوسٹ گریجویٹ ٹرینیز کی مہارتوں اور قابلیت کو بڑھانے کے لیے ضروری ہیں۔ پروفیسر امجد سراج میمن نے کوالٹی انہانسمنٹ سیل اور فیکلٹی ارکان کو ان کے باہمی تعاون اور تعلیمی تعاون پر سراہا، خاص طور پر ڈائریکٹر کیو ای سی ڈاکٹر عبدالواحد عثمانی اور ایڈیشنل ڈائریکٹر کیو ای سی ثریا خاتون کو جنہوں نے اس دورے کا اہتمام کیا۔
ماہرین کے پینل نے یونیورسٹی کی کوششوں کا جائزہ لیا اور وائس چانسلر و کوالٹی انہانسمنٹ سیل کو مزید بہتری کیلئے سفارشات پیش کیں۔ دورے کے اختتام پر وائس چانسلر نے ماہرین کی ٹیم کو سووینئرز بھی پیش کیے۔
اسلام آباد: فیڈرل بورڈ نے انٹرمیڈیٹ سال اوّل و دوم کے سالانہ امتحانات کی ڈیٹ شیٹ جاری کردی۔
فیڈرل بورڈکے تحت گیارہویں و بارہویں جماعت کے سالانہ امتحانات 25مئی سے ہونگے۔
بورڈامتحانات دو شفٹوں میں منعقد ہونگےصبح کی شفٹ کا پرچہ صبح 9بجے سے دوپہر 2 1بجے تک، شام کی شفٹ
2سے 5بجے تک ہونگے۔امتحانی مراکز میں موبائل فونز لانے پر پابندی ہوگی۔
کراچی: مسلمان عید الفطر کے بعدعید الاضحٰی کے منتظر رہتے ہیں اور اس عید پر دنیا بھر کے مسلمان سنت ابراہیمی پر عمل کرتے ہوئےجانوروں کی قربانی کرتے ہیں۔
مصر کے فلکیاتی کلینڈر پر عید الاضحی اور حج کے چاند کی متوقع تاریخوں کا اعلان کردیا گیا ہے۔
اعلان کے مطابق اس سال یوم عرفات 27 جون 2023 بروز منگل کو اور عید الاضحیٰ 28 جون 2023 بروز بدھ کو ہوگی، عرفہ کے روز مسلمان حج کی ادائیگی کیلئے عرفہ کے میدان میں جمع ہوتے ہیں ۔
رپورٹ کے مطابق اس سال حج کا آغاز 26 جون کو متوقع ہے۔
فلکیاتی کلینڈر کے مطابق عید الاضحٰی کے چاند کی پیدائش شوال کی 29 تاریخ 1444 بروز بدھ 28 جون کو مصر اور قاہرہ کے وقت کے مطابق 6 بج کر 38 منٹ پر ہوگی۔
جہاں تک عرب اور اسلامی دارالحکومتوں اور شہروں کا تعلق ہے، نیا چاند اس دن غروب آفتاب کے بعد 7 سے 44 منٹ کے درمیان رہے گا۔
رپورٹ میں مزید بتایا گیا ہے کہ حج اور عید الاضحیٰ کی تاریخوں میں سعودیہ کی چاند دیکھنے والی کمیٹی کے باضابطہ اعلان تک تبدیلی کی جاسکتی ہے۔
کراچی: شہر قائد میں آج دن کے وقت موسم نسبتاً گرم و مرطوب جبکہ شام یا رات میں گرج چمک کے ساتھ بارش کا امکان ہے۔
محکمہ موسمیات ارلی وارننگ سینٹر پیش گوئی کے مطابق مغربی سسٹم کا پھیلاو مشرقی بلوچستان پر برقرار ہے جس کے سبب اگلے 2 سے 3 روز کے دوران دیہی سندھ کے مختلف اضلاع میں بھی گرج چمک کے ساتھ بارش کا امکان ہے۔
سندھ کے کچھ اضلاع میں 5 مئی کو بھی بارشیں متوقع ہیں۔
واضح رہے کہ گزشتہ روز بھی کراچی کے مختلف علاقوں میں شام کے وقت تیز ہواؤں کے ساتھ بارش ہوئی جس سے درجہ حرارت میں کمی آگئی۔