جامعہ کراچی نےمعروف شاعر امجد اسلام امجد اور ضیاء محی الدین کی یاد میں تعزیتی اجلاس منعقد کیا گیا۔

معروف شاعر امجد اسلام امجد اور ضیاء محی الدین کے سانحہ ارتحال پرپروفیسر ڈاکٹر عظمیٰ فرمان،صدرشعبہ اُردو جامعہ کراچی کی صدارت میں گزشتہ روز شعبہ ہذا میں تعزیتی اجلاس منعقد ہوا۔

اجلاس میں شریک اساتذہ شعبہ اُردو نے مرحومین کی مغفرت اور بلند درجات کے لئے فاتحہ خوانی کی

کراچی: سرسید یونیورسٹی آف انجینئرنگ اینڈ ٹیکنالوجی نے الکرم ٹاول انڈسٹریز کے ساتھ صنعتی شعبے میں تعلیمی اصولوں اور ریکروٹمنٹ کی حکمت عملی کی بنیاد پر صنعت اور یونیورسٹی کے درمیان تعاون بڑھانے کے لئے ایک مفاہمتی یادداشت پر دستخط کئے

رجسٹرار انجینئر سید سرفراز علی اور شعبہ ہیومن ریسورس کے سربراہ شعیب خان نے بالترتیب سرسید یونیورسٹی اور الکرم ٹاول انڈسٹریز کی جانب سے معاہدے پر دستخط کئے۔ جس کے تحت مشترکہ طور پر تعلیمی سرگرمیوں، تربیتی سیشن، انڈسٹری وزٹ کو فروغ دیا جائے گا۔

اس موقع پر اظہارِ خیال کرتے ہوئے سرسید یونیورسٹی کے رجسٹرار سید سرفراز علی نے کہا کہ اس معاہدے کا مقصد تعلیم اور صنعتی اتحاد کو مضبوط بنانا ہے۔

علاوہ ازیں کیریئر کی ترقی میں باہمی تعاون کو نہ صرف آگے بڑھا نا ہے بلکہ تربیتی سیشن اور تیکنیکی تعلیم کے ذریعے طلباء کو سہولت فراہم کرنا ہے۔

سرسید یونیورسٹی اور الکرم باہمی اشتراک سے سیمینارز، کانفرنسز، ورکشاپس، لیکچرز و دیگر سرگرمیوں کا انعقاد کریں گے تاکہ وسیع پیمانے پرنئے اور منفرد آئیڈیاز اور تصورات سامنے آئیں۔

مائیکرو سافٹ کے شریک بانی بل گیٹس نےآرٹی فیشل انٹیلی جنس (اے آئی) ٹیکنالوجی میں بہتری موجودہ عہد کی اہم ترین پیشرفت کی ہے۔

جرمنی کے ایک اخبار کو دیے گئے انٹرویو میں بل گیٹس نے کہا کہ اے آئی ٹیکنالوجی پر مبنی چیٹ جی پی ٹی نامی چیٹ بوٹ ہماری دنیا کو بدل دے گا۔

انہوں نے کہا کہ چیٹ جی پی ٹی جیسے اے آئی چیٹ بوٹس سے دفتری سرگرمیاں زیادہ بہتر ہوں گی۔

انہوں نے مزید کہا کہ اب تک اے آئی ٹیکنالوجی لکھ اور پڑھ سکتی تھی مگر مواد کو سمجھنے سے قاصر تھی، مگر چیٹ جی پی ٹی جیسے نئے پروگرامز خطوط یا رسیدیں تحریر کرکے دفتری ملازمتوں کو زیادہ بہتر کر دیں گے۔

بل گیٹس نے 1975 میں مائیکرو سافٹ کی بنیاد رکھی تھی اور 2 دہائی سے زائد عرصے تک اس کی قیادت کرتے رہے، پھر 2000 میں سی ای او کے عہدے کو چھوڑ دیا تھا۔

اب ان کی قائم کردہ کمپنی نے چیٹ جی پی ٹی کو سرچ انجن بنگ کا حصہ بنایا ہے جس کے بعد گوگل کی جانب سے بھی اسی طرح کی ٹیکنالوجی کو متعارف کرانے کا اعلان کیا گیا۔

فروری کے شروع میں بھی ایک انٹرویو کے دوران بل گیٹس نے کہا تھا کہ چیٹ جی پی ٹی کا ابھرنا اسی طرح اہم ہے جیسے انٹرنیٹ کا عروج یا ذاتی کمپیوٹرز کا ارتقا۔

بل گیٹس نے کہا کہ اے آئی ٹیکنالوجی 2023 کے اہم ترین موضوع کے طور پر بحث کا حصہ بنے گی اور ایسا ہونا درست بھی ہے۔

ان کا کہنا تھا کہ یہ ٹیکنالوجی ذاتی کمپیوٹرز یا انٹرنیٹ جتنی ہی اہمیت کی حامل ہے'۔

کراچی: پاکستان سپر لیگ کی ٹیم کراچی کنگز نے اپنے پہلے میچ سے قبل نیا ترانہ ریلیز کردیا۔

’ یہ ہے کراچی ‘کے عنوان سے کراچی کنگز کا نیا ترانہ پشاور زلمی سے ہونے والے میچ سے قبل ریلیز کیا گیا ہے جس میں گلوکار عاصم اظہر ، علی عظمت اور رامس علی نے اپنی آواز کا جادو جگایا ہے۔

ترانے میں کراچی کنگز کے کپتان عماد وسیم، شعیب ملک ، شرجیل خان اور محمد عامر سمیت دیگر کھلاڑیوں نے بھی پرفارم کیا ہے ۔

کراچی کنگز کے یوٹیوب پیج پر ترانہ ریلیز کیا گیا ہے جسے کچھ ہی گھنٹوں میں 50 ہزار سے زائد مرتبہ دیکھا جاچکا ہے۔