ایمزٹی وی(انٹرٹینمنٹ) بالی ووڈ انڈسٹری میں معروف ہدایتکار کرن جوہر کی نئی آنے والی فلم “اے دل ہے مشکل” کے پرومو نے آتے ہی دھوم مچادی ہے، جس میں سب سے زیادہ توجہ کا مرکزاداکارہ ایشوریا رائے بچن بنیں جہاں وہ انتہائی خوبصورت لگ رہی ہیں اور سب ہی ان کی تعریفوں کے پل باندھنے لگ گئے ہیں۔

رپورٹس کے مطابق بالی ووڈ انڈسٹری میں اپنی کاسٹ کی وجہ سے سب سے زیادہ انتظارکرائے جانے والی فلم “اے دل ہے مشکل” کے پرومونے آتے ہی دھوم مچادی ہے اورایشوریا رائے بچن کی خوبصورتی کےسب ہی گُن گارہے ہیں جس کے بعد سب سے زیادہ ان کے شوہرابھیشیک بے چین ہوگئے ہیں جہاں انہوں نے اپنی بیوی کی تعریف زیادہ کرنے والوں کو ان سے دوررہنے کی دھمکی دے دی ہے۔

پرومو کے بعد اداکارہ کے سب ہی دیوانے ہوگئے ہیں، ابھیشیک بچن کی بہترین دوست اوراداکارہ پریٹی زنٹا جو ان کے ساتھ متعدد فلموں میں کام کرچکی ہیں، وہ بھی ایشوریا کی تعریف کیے بنا نہیں رہ سکیں۔ پریٹی نے سماجی رابطے کی ویب سائٹ ٹوئٹرپرکہا کہ وہ اس وقت فلم اے دل ہے مشکل کا پرومودیکھ رہی ہیں اورپرومو دیکھنے کے بعد ایشوریا رائے بچن کی دیوانی ہوگئیں ہیں کیونکہ وہ بہت خوبصورت لگ رہی ہیں۔

صرف یہ ہی نہیں ایشوریا کے شوہراداکارابھیشیک بچن کی جانب سے بھی انہیں دلچسپ جواب دیا گیا۔ ان کا کہنا تھا کہ وہ ایشوریا رائے سے بالکل دوررہیں جس پراداکارہ نے خوشی کا اظہارکرتے ہوئے کہا کہ انہیں اورابھیشیک کوملاقات کیے ہوئے بہت دن ہوگئے انہیں اب ملنا چاہیئے۔

واضح رہے کہ ایشوریا رائے فلم “اے دل ہے مشکل” میں ایک شاعرہ کا کردارادا کررہی ہیں جب کہ فلم رواں برس دیوالی کے موقع پرریلیزکی جارہی ہے۔