ایمز ٹی وی (انٹرٹینمنٹ) بھارتی لیجنڈ گلوکارہ آشا بھوسلے نے پاکستانی گلوکار راحت فتح علی خان کو بہترین گلوکار قرار دے دیا۔ بھارتی فلمی گیتوں کو اپنی آواز میں پرونے والی گلوکارہ آشا بھوسلے دنیا بھر میں مشہور ہیں جب کہ 70 کی دہائی میں شہرت کی بلندیوں پر پہنچنے والی گلوکارہ نے اب تک کئی فلموں گیتوں کو اپنی آواز سے زندہ کردیا ہے جو اب تک مداحوں کے کانوں میں رس گھولتے ہیں تاہم لیجنڈری اداکارہ خود پاکستانی کلوگار کی آواز کے سحر میں مبتلا ہیں۔

گلوکارہ آشا بھوسلے نے پاکستانی گلوکار راحت فتح علی خان کو موجودہ دور کا بہترین گلوکار قرار دے دیا جب کہ ان کا کہنا تھا کہ راحت فتح علی خان اچھے گلوکار ہیں جنہیں میں خود بھی شوق سے سنتی ہوں کیوں کہ ان کی گائیکی اور آواز سروں کے عین مطابق ہے لہٰذا یہ موجودہ دور کے پروفیشنل گلوکار ہیں جنہوں نے میوزک کو باقاعدہ سیکھا ہے۔