ایمز ٹی وی (انٹرٹینمنٹ) بالی ووڈ ہارر فلم ’1920لندن‘ کل پاکستانی سنیما گھروں میں نمائش کیلئے پیش کی جارہی ہے۔ تینو سریش کی ہدایتکاری میں بننے والی فلم’ 1920لندن‘ ایک ڈراؤنی فلم ہے جس کی کہانی ایک شادی شدہ جوڑے کے گرد گھومتی ہے جوایک بری روح کی آفت کا شکار ہو جاتا ہے۔اور شوہر کی حالت بدتر ہو جاتی ہے، بیوی اپنے شوہر کو ان عجیب حالات سے نکالنے کے لیے ایک نوجوان جس کا نام جے ہے سے مدد مانگتی ہے۔اب دیکھتے ہیں کہ جے اس جوڑے کو اس آفت سے کس طرح آزادی دلائے گا۔

ہارر فلم’1920 لندن‘کی کاسٹ میں شرمن جوشی ،میرا چوپڑا اور ویشال کروال مرکزی کردار ادا کر رہے ہیں۔وکرم بھٹ کی کہانی پر مبنی خوف اور دہشت سے بھرپور یہ فلم13 مئی کو پاکستانی سینما گھروں میں نمائش کے لیے پیش کی جائے گی، واضح رہے کہ فلم لندن میں فلمائی گئی ہے۔